ئیمباپێ لە تازەترین چاوپێكەوتنی جارێكی دیكە هیوا بە هاندەرانی ریال مەدرید دەبەخشێت

 

لەتازەترین چاوپێكەوتنی رۆژنامەوانیدا كیلیان ئیمباپێ باسی بارودۆخی تازەكردنەوەی گرێبەستەكەی لەگەڵ پاریس سان جێرمان كرد و لە قسەكانی جارێكی دیكە هیوای بە هاندەرانی ریال مەدرید بەخشی.

لەم بارەیەوە كیلیان ئیمباپی كاتێك پەیامنێرەكە پێی دەڵێت كە خەونی یاریكردنت بۆ ریال مەدرید كە هیوا و ئاواتت بووە و لە منداڵیت خەونی سەرەكیت بوو، لە ئێستادا كۆتایی پێ هات، ئیمباپی لە وەلامی ئەو قسەیە دەڵێت” نەخێر هەرگیز ئەو خەونە كۆتایی نەهاتوە، هەگیز كۆتایی نەهاتوە، تۆ نازانی سبەی چی ڕوودەدات، من گرێبەستم تەنها بۆ 3ساڵە، هەمیشە بەستنەوەی من بە یاریكردن بۆ ریال مەدرید جێی شانازی بووە، من دڵنیام هاندەران لێم تێدەگەن و من لە هەموو تووڕەیی و گلەییەكانیان تێ دەگەم.

لەبەشێكی دیكەی قسەكانی ئیمباپی یاریزانەكە ئاماژە دەكات كە قسەكانی سەرۆك ماكرۆن كاریگەری لەسەر بڕیارەكە هەبووە و ئەوان بە پشتگیری كردنی فەرەنسایان بە ئەركێكی نیشتمانی وەسفكردوە هەروەها ئیمباپی دانی بەوە داناوە كە ئۆفەرەكەی ریال مەدرید لە ڕووی پارەوە بێ كەمو كوڕی بووە بەڵام بابەتەكە پەیوەندی بە پارەوە نەبووە.

Tags

بابه‌تی هاوشێوه‌

Back to top button
Close