بەر لە یاری كۆتایی چامپیۆنزلیگ لیڤەرپوول گورزێكی كوشندەی بەركەوت

 

بەر لە چەند رۆژێك لە یاری كۆتایی چامپیۆنزلیگ یانەی لیڤەرپوول گورزێكی كوشندەی بەركەوت و لەیاریزانێكی كاریگەری بێ بەش دەبێت.

بەگوێرەی سكای سپۆرتس ، تیاگۆ ئەلكانتارا ئەستێرەی هێڵی ناوەڕاستی یانەی لیڤەرپوول لە یارییەكەی دوێنێ بەرامبەر ولڤیرهامبتۆن تووشی پێكان هاتوە و ئەگەری یاریكردنی لە یاری كۆتایی بەڕێژەیەكی یەكجار زۆر كەم بووەتوە، بەپێی سكای ئەلكانتارا پێكانەكەی لە بەستەرەكانی ئەژنۆیەتی و ئەستەمە بتوانێت بۆ یاری كۆتایی رۆژی 28 مانگە ئامادەبێت ئەوەش گورزێكی گەورەیە لەو ساتە هەستیارە بە یانەی لیڤەرپوول دەكەوێت كە جگە لە ئەلكانتارا كێشەیەكی دیكەشی هەیە ئەویش ئامادەنەبوونی فابینیۆیە كە تا ئێستا لە ڕووی جەستەیی دوای پێكانەكەی بەتەواوی ئامادە نییە.

جێی ئاماژەیە، یانەی لیڤەرپوول لە رۆژی 28ی ئەم مانگە لە پاریس لە یاری كۆتایی چامپیۆنزلیگ ڕووبەڕووی یانەی ڕیال مەدرید دەبێتەوە.

Tags

بابه‌تی هاوشێوه‌

Back to top button
Close