كریستیانۆ رۆناڵدۆ ریكۆردێكی دیكه‌ی مێسی شكاند

كریستیانۆ رۆناڵدۆ له‌ چامپیۆنزلیگ ریكۆردێكی دیكه‌شی به‌ناوی خۆیه‌وه‌ كرد و ریكۆردێكی دیكه‌ی لیۆنێل مێسی شكاند.

پێش ده‌ستپێكی ئه‌م وه‌رزه‌ی چامپیۆنزلیگ، لیۆنێل مێسی تاكه‌ یاریزان بوو گۆڵی به‌رامبه‌ر 36 یانه‌ی جیاواز تۆمار كردبێت، به‌ڵام كریستیانۆ رۆناڵدۆ دوو یارییه‌ له‌سه‌ریه‌ك له‌گه‌ڵ یانه‌كه‌ی گۆڵ ده‌كات و ریكۆردی مێسی به‌ناوی خۆیه‌وه‌ كرد.

كریستیانۆ رۆناڵدۆ به‌رامبه‌ر یه‌نگ بۆیزی سویسری و ڤیاڕیالی ئیسپانی گۆڵی كرد، به‌مه‌ش ژماره‌ی ئه‌و یانانه‌ی دۆن له‌ چامپیۆنزلیگ گۆڵی لێكردوون گه‌یشته‌ 37 یانه‌ و به‌پێش مێسی كه‌وته‌وه‌ كه‌ گۆڵی له‌دژی 36 یانه‌ كردووه‌.

كریستیانۆ به‌ 178 یاری و 136 گۆڵ و 113 بردنه‌وه‌ خاوه‌نی ریكۆردی زۆرترین یاری و گۆڵ و بردنه‌وه‌یه‌ له‌ مێژووی چامپیۆنزلیگ.

بابه‌تی هاوشێوه‌

Back to top button
Close