یوێفا به‌فه‌رمی بڕیاری سزادانی ریال مه‌درید و بارسێلۆنا و یۆڤێنتۆسی دا

یوێفا به‌فه‌رمی بڕیاری سزادانی یانه‌كانی ریال مه‌درید و بارسێلۆنا و یۆڤێنتۆسی دا، بڕیاریدا په‌ڕاوی لێكۆڵینه‌وه‌ له‌گه‌ڵ هه‌ر سێ یانه‌كه‌ بكاته‌وه‌.

فیدراسیۆنی تۆپی پێی ئه‌وروپا له‌ به‌یاننامه‌یه‌كیدا رایگه‌یاندووه‌، ده‌ستیان به‌ لێكۆڵینه‌وه‌ كردووه‌ بۆ ئه‌وه‌ی هه‌ریه‌كه‌ له‌ یانه‌كانی ریال مه‌درید و بارسێلۆنا و یۆڤێنتۆس سزابده‌ن، كه‌ تاكو ئێستا له‌ سوپه‌رلیگ نه‌كشاونه‌ته‌وه‌.

مانگی رابردوو 12 یانه‌ی ئه‌وروپی خولێكیان به‌ناوی سوپه‌رلیگ وه‌كو جێگره‌وه‌ی چامپیۆنزلیگ راگه‌یاند، به‌ڵام دواتر نۆ یانه‌ پاشه‌كشه‌یان له‌ خوله‌كه‌ كرد ته‌نیا ریال مه‌درید و بارسێلۆنا و یۆڤێنتۆس نه‌بێت كه‌ تاكو ئێستا له‌ خوله‌كه‌ نه‌كشاونه‌ته‌وه‌ و چه‌ند جارێكیش سه‌رۆكی یوێفا هه‌ڕه‌شه‌ی توندی لێكردوون.

گومان ده‌كرێت یوێفا هه‌ر سێ یانه‌كه‌ له‌ یارییه‌كانی وه‌رزی داهاتووی خول و پاڵه‌وانێتییه‌ ئه‌وروپییه‌كان بێبه‌ش بكات.

بابه‌تی هاوشێوه‌

Back to top button
Close