سەرۆكی یوفا ئەو 3 یانەیەی سوپەر لیگ بەقورسی سزا دەدرێن

 

كاردانەوەكانی پاڵەوانێتی سوپەر لیگ درێژەی هەیە و سەرۆكی یوفا لە تازەترین لێدوانی باسی سزاكان دەكات و دەڵێت هەموو یانەكان سزا دەدرێن، بەڵام سزادانی 3 یانە بەشێوەیەكی توند وكاریگەر دەبێت.

لەم بارەیەوە ئالێكسەندەر چیڤرین سەرۆكی یوفا بە رۆژنامەی دەیلی مێلی ئینگلیزی گوتوە هەر 12 یانە بەشداربووەكە هەڵەیەكی گەورەیان كرد كاتێك بەشداریان لەم پاڵەوانێتیە كرد، بەڵام شەش یانە ئینگلیزییەكە بەهۆی زوو كشانەوەیان لەم كارە سزایان جیاواز دەبێت هەروەها یانەكانی میلان و ئینتەر میلان و ئاتلەتیكۆ مەدرید كە ئەوانیش دوای ئەوان كشانەوەی خۆیان ڕاگەیاند جیاوازیان دەبێت لەگەڵ یانەكانی ڕیال مەدرید و بارسێلۆنا و یۆڤێنتۆس كە تا ئێستا دەستبەرداری سوپەر لیگ نەبوون و باوەڕیان بەو كارە هەیە، بۆیە ئەو سێ یانەیە بەشێوەیەكی تایبەت سزای قورس دەدرێن و ئەگەری هەیە لەچامپیۆنزلیگی داهاتوو دوور بخرێنەوە.

جێی ئاماژەیە، یوفا بۆ چامپیۆنزلیگ و یۆرۆپا لیگی ئەم وەرزە هیچ سزایەكی ڕانەگەیاندوە و یارییەكان وەك خۆی بەڕێوە دەچێت.

Tags

بابه‌تی هاوشێوه‌

Back to top button
Close