ڕۆژنامەیەك سەبارەت بە سزاكانی یوفا بۆ یانەكانی سوپەر لیگ زانیاری گرنگ دەخاتە ڕوو

 

دوای لێدوانێكی كتوپڕی (ئالێكسەندەر چێڤرین) س سەرۆكی یوفا سەبارەت بە سزادانی یانە بەشداربووەكان لە سوپەر لیگ، ڕۆژنامەی ماڕكای مەدریدی چەند زانیارییەكی سەبارەت بە قسەكانی چیڤرین خستە ڕوو.

بەگوێرەی ڕۆژنامە مەدریدییەكە هیچ پاساوێكی یاسایی نییە بۆ ئەوەی نە ڕیال مەدرید و نە هیچ یانەیەكی دیكە سزا بدرێن، سوایەكان تایبەتن بە لیژنەی سزاكانی یوفا، ئەویش پێویستی بە بەڵگە و لێكۆڵینەوە و ڕێوشوێنی یاسایی هەیە، یانەكان لەڕووی یاسایی هەڵە نین و هیچ بڕگەیەكی یاساییش نییە كە یانەیەك سزا بدات لەبەر ئەوەی پێشنیاری كردنەوەی پاڵەوانێتییەكی كردوە یان بەنیاز بێت بیكاتەوە، بۆیە ئەگەر هەر سزایەك بۆ یانەكانی سوپەرلیگ دەربچێت، ڕاستەوخۆ لە (دادگای كاس)ی نێو دەوڵەتی ئەو سزایانە هەموو ڕەت دەكرێنەوە، هیچی ناسەپێنرێت.

جێی ئاماژەیە، ئەمڕۆ چیڤرین سەرۆكی یوفا ئاماژەی بەوە داوە كە سزای یانە بەشداربووەكانی سوپەر لیگ دەدات و بارسێلۆناش تاكە یانە دەبێت كە ئەم سزایانە نایگرێتەوە، ئەویش بەهۆی ئەوەی قەرزەكانی لەهەموو یانە بەشداربووەكان زیاترە و بارودۆخی یانەكە هەستیارە و هەروەها بەشداری كردنی لە سوپەر لیگ بە مەرجی ڕازیبوونی ئەنجومەنی یانەكەی دانابوو.

Tags

بابه‌تی هاوشێوه‌

Back to top button
Close