بەهۆی پێكانە یەك بەدوای یەكەكانی هازارد ڕیال مەدرید پەنا بۆ چارەسەرێكی تازە دەبات

 

پێكانە یەك بەدوای یەكەكانی (ئیدین هازارد) ریال مەدریدی هەراسان كردوە، لەبەر ئەم هۆكارە بەرپرسانی یانەكە بڕیاریان داوە بۆ چارەسەركردنی یاریزانەكە پەنا بۆ ڕێگا چارەیەكی دیكەش ببەن.

بەپێی ماڵپەڕی (دیفنسا سێنترال) بەرپرسانی ڕیال مەدرید و كەییسانی نزیكی یانەكە پێیان وایە دووبارەبوونەوەی پێكانەكانی هازارد جگە لە بەركەوتن پەیوەندی بە لایەنی دەروونی یاریزانەكەش هەیە، بۆیە یانەكە دەیەوێت ئەمجارە پزیشكێكی دەروونی تایبەت بۆ هازارد دابین بكات تا یارمەتی بدات لەو لایەنەوە و متمانەی بۆ بگەڕێنێتەوە، لەبەر ئەوەی یاریزانە بەلجیكییەكە لەگەڵ هەواڵی دوایین پێكانی باری دەروونی زۆر تێك چووە و بەرەو داڕمان دەڕوات.

جێی ئاماژەیە، لەو ساتەی هازارد پەیوەندی بە ریال مەدرید كردوە 10 جار تووشی پێكانی جۆراو جۆر هاتوە و تا ئێستا نەیتوانیوە چەند یارییەكی یەك بەدوای یەك لەگەڵ مێرەنگی ئەنجام بدات.

Tags

بابه‌تی هاوشێوه‌

Back to top button
Close