هازارد بۆ بەشداری كردنی كلاسیكۆ داواكارییەكی هەیە

 

لەگەڵ نزیكبوونەوەی وادەی دەستپێكی كلاسیكۆی نێوان بارسێلۆنا و ریال مەدرید لەسەر یاریگای (كامپ نو) ئیدین هازارد، هێرشبەری ریال مەدرید بەهیوای بەشداری كردن لە یەكەمین كلاسیكۆ داواكارییەكی ئاڕاستەی پزیشكانی یانەكەی كردوە.

بەگوێرەی ماڵپەڕی (دیفنسا سێنترال)ی ئیسپانی هازارد كە ئێستا شەڕی كات دەكات بۆ ئەوەی بتوانێت لە كلاسیكۆ ئامادەبێت، داوای لە پزیشكانی یانەكەی كردوە كە هەموو هەوڵێكی جیدی بدەن بۆ ئەوەن بە زووترین كات چاك ببێتەوە و لە كلاسیكۆ ئامادەبێت، ریال مەدرید كە رۆژی یەكشەممە ڕووبەڕووی قادیش دەبێتەوە، دواتر ڕووبەڕووی شاختار دۆنتسێكی ئۆكرانی دەبێتەوە پاشان لە 24 ی ئەم مانگە لە كامپ نو كلاسكیۆ بەرامبەر بارسێلۆنا ئەنجام دەدات، بەپێی هەواڵەكە لەم چەند ڕۆژە بابەتی بەشداری كردنی هازارد بۆ چەند خولەكێك لە یاری شاختار و بەشداریكردنی لە كلاسكیۆ بە بڕیاری پزیشكان یەكلایی دەكرێتەوە.

جێی ئاماژەیە، هازارد لەو ساتە پەیوەندی بە ریال مەدرید كردوە بەهۆی پێكانە یەك بەدوا یەكەكانەوە نەیتوانیوە لە هیچ یارییەكی كلاسیكۆ ئامادەبێت.

Tags

بابه‌تی هاوشێوه‌

Back to top button
Close