ڕیال مەدرید پلانی گەڕانەوە و ئامادەكردنی هازارد لە یاری كلاسیكۆ دادەڕێژێت

 

بەر لە كەمتر لە دوو هەفتە لە یاری كلاسیكۆ نێوان بارسێلۆنا و ریال مەدرید، یانە گەورەكەی مەدرید پلانی ئەوەی داڕشتوە ئیدین هازارد بۆ یاری كلاسیكۆ ئامادە بكات و بتوانێت یارییەكە ئەنجام بدات.

بەگوێرەی ڕۆژنامەی (ماڕكا) لە ئێستادا ئیدین هازارد گەڕاەوەتەوە و بە ئەنجامدانی مەشقە تایبەتییەكان سەرقاڵە و باری جەستەیی بەرەو باشتر دەڕوات، بۆیە سەرپەرشتیارانی یانەی ریال مەدرید، بەتایبەتی زێدان داوای لە تاقمی پزیشكانی یانەكەی كردوە كە هەوڵ بدەن هازارد بەر لە یاری بەرامبەر شاختار دۆنتسێك لە یەكەمین یارییەكانی قۆناغی كۆمەڵەكانی چامپیۆنزلیگ ئامادە بكەن، تا یاریزانە بەلجیكییەكە چەند خولەكێك لەو یارییە بەشداری بكات و بەهیوای ئەوەی بتوانێت بۆ یاری كلاسیكۆی بەرامبەر بارسێلۆنا ئاماەبێت و بەشداری بكات.

جێی ئاماژەیە، هازارد هەر لە سەرەتای وەرز ئەمجارە لە ماسوولكەكانی ڕانی تووشی پێكانێكی تازە هات و چاكبوونەوەشی بەپێی پزیشكان لەسەر بەرگە و بەهێزی جەستەی یاریزانەكە دەوەستێت.

 

Tags

بابه‌تی هاوشێوه‌

Back to top button
Close