بایەڕن میونشن ئەستێرەكانی بارسێلۆنا تووڕە دەكەن

 

لەكاتێكدا هەوادارانی تۆپی پێ بە پەرۆشەوە چاوەڕێی یاری لووتكەی ڕۆژی هەینی دەكەن نێوان بارسێلۆنا و بایەڕن میونشنی ئەڵمانی، ئەستێرەكانی یانە كەتەلۆنییەكە بەهۆی كارێكی یاریزانانی بایەڕن تووڕەیی خۆیان دەبڕی.

بەگوێرەی بەرنامەی ئیل چێرنجیتۆی تەلەفزیۆنی ئیسپانیا مێسی و ئەستێرەكانی دیكەی بارسێلۆنا بە لێدوانەكانی یاریزانانی بایەڕن میونشن و ڕێزنەگرتنی بارسێلۆنا و مێژووی یانەكە زۆر دڵ تەنگ و تووڕەن، هۆكارەكەش ئەوەیە كە ئەستێرەكانی بایەڕن لە چاوپێكەوتنەكانییان لەگەڵ میدیاكان زۆر بە متمانەیەكی كوێرانە باس لە بردنەوەیەكی گەورە دەكەن و هیچ ڕێزێك بۆ بارسێلۆنا پیشان نادەن و خۆیان پێ پالێوراوی سەرەكییە بۆ بردنەوە لە بارسێلۆنا و بردنەوەی جامەكەش، بەگوێرەی بەرنامەكە ئەستێرەكانی یانەی باڤاری پێیان وایە ئەوان وەك پاڵەوانی خول و جامی ئەڵمانیا دەتوانن لە بارسێلۆنا ببنەوە كە ئەم وەرزە بەدەستی بەتاڵ هاتوەتە دەرەوە.

جێی ئاماژە پێكردنە، یاری قۆناغی هەشتی چامپیۆنزلیگ ڕۆژی هەینی لە پورتوگال ئەنجام دەدرێت و لە بەهێزترین یارییەكانیش بایەڕن و بارسێلۆنا بەیەك دەگەن.

Tags

بابه‌تی هاوشێوه‌

Back to top button
Close