دوای سوارێز.. ئامانجی داهاتووی بارسێلۆنا یاریزانی به‌رگری ده‌بێت

یاریگا– دوای یه‌كلایی كردنه‌وه‌ی گرێبه‌ستی هێرشبه‌ری ئۆرۆگوایی ” لویس سوارێز ” و چاره‌سه‌ركردنی كێشه‌ی هێرشبه‌ری و گۆڵپارێز ، ئه‌مجاره‌  به‌رپرسانی یانه‌ی بارسێلۆنا له‌ ماوه‌ی داهاتوو هه‌وڵه‌كانیان چڕ ده‌كه‌نه‌وه‌ له‌پێناو به‌هێزكردنی هێڵی به‌رگری یانه‌كه‌یان ، پێش ده‌ستپێكردنی ماوه‌ی خۆ ئاماده‌كارییه‌كان بۆ وه‌رزی نوێ.

هێڵی به‌رگری بارسێلۆنا كێشه‌ و كه‌موكوڕی زۆری هه‌یه‌ به‌تایبه‌ت له‌ دڵی به‌رگری ، كه‌ له‌و ناوچه‌یه‌ جگه‌ له‌ بارتڕا و پیكێ یاریزانی تری نییه‌ ، ئه‌و شوێنه‌ی بۆته‌ خاڵی لاوازی تیپه‌ كه‌ته‌لۆنیه‌كه‌ .

پێگه‌ی فیشاگێسی ئیسپانی ئاماژه‌ی به‌وه‌ كردووه‌ كه‌ یانه‌ی بارسێلۆنا له‌ ئێستادا هه‌وڵده‌دات به‌لای كه‌مه‌وه‌ گرێبه‌ست له‌گه‌ڵ یه‌كێك له‌ ماتیۆی به‌رگریكاری ڤالنسیا و ماركینیوسی به‌رگریكاری پاریس سان جێرمان واژوو بكات ، له‌پێناو به‌هێزكردنی به‌رگری بارسێلۆنا.

نه‌ك ته‌نها ئه‌وه‌ ، به‌ڵكو سه‌رچاوه‌ ئیسپانیه‌كه‌ كه‌ تایبه‌تمه‌نده‌ به‌ دوایین هه‌واڵه‌كانی گواستنه‌وه‌ ، ئاماژه‌ی به‌وه‌ كردووه‌ كه‌ هه‌وڵه‌كانی بارسێلۆنا له‌پێناو به‌ده‌ستهێنانی یاریزانی كۆڵۆمبی خوان كوادرادۆ به‌رده‌وامه‌ ، به‌ بینینی یانه‌كه‌ ئه‌و یاریزانێكی نمونه‌ییه‌ بۆ پڕكردنه‌وه‌ی باڵی راستی تیپه‌كه‌.

 

Comments - کۆمێنتت چییە ؟

کۆمێنتت

شەیر بکە لەگەڵ هاوڕێیانت.

دەربارەی نووسەر