زیدان: جگه‌ له‌ ناڤاس یاریی به‌ لۆكای كوڕیشم ده‌كه‌م

0

زینه‌دین زیدان دوای گه‌ڕانه‌وه‌ی بۆ ریال مه‌درید و به‌ده‌ستهێنانی یه‌كه‌م سه‌ركه‌وتن رایگه‌یاند، جگه‌ له‌ ناڤاس یاریی به‌ لۆكای كوڕیشم ده‌كه‌م.

له‌ یاریی به‌رامبه‌ر سێلتاڤیگۆ دوای گه‌ڕانه‌وه‌ی زینه‌دین زیدان، كه‌یلۆر ناڤاس و مارسیلۆ و ئیسكۆ و گاریس به‌یل سه‌ره‌كی بوون، له‌ كاتێكدا هه‌ر چوار یاریزانه‌كه‌ له‌لایه‌ن سۆلارییه‌وه‌ په‌راوێز خرابوون و ریال مه‌درید به‌ دوو گۆڵی بێبه‌رامبه‌ر بردییه‌وه‌، ئیسكۆ گۆڵێكی كرد و مارسیلۆش گۆڵێكی دروستكرد و به‌یلیش گۆڵی كرد.

زیدان دوای یارییه‌كه‌ گوتی ‘هێشتا 10 یاریمان له‌م وه‌رزه‌ ماوه‌، جگه‌ له‌ ناڤاس له‌و چه‌ند یارییه‌ ماوه‌ یاریی به‌ كۆرتوا و لۆكای كوڕیشم ده‌كه‌م كه‌ گۆڵپارێزی سێیه‌مه‌، من یاریی به‌ سه‌رجه‌م یاریزانه‌كانم ده‌كه‌م، به‌ ئاستی به‌یل و مارسیلۆ و ناڤاس و ئیسكۆ دڵخۆش بووم، به‌ڵام من كۆرتوا و ریگیلۆنیشم له‌بیره‌ و ئه‌وانیش یاریی ده‌كه‌ن، من ده‌مه‌وێت سه‌رجه‌م یاریزانه‌كانم بزانن كه‌ گرنگن له‌ یانه‌كه‌’.

هه‌روه‌ها زیزۆ گوتیشی ‘من ناڤاسم خۆش ده‌وێت، كۆرتواشم خۆش ده‌وێت، به‌ڵام پێشتر ناڤاس كه‌متر یاریی ده‌كرد و زوڵمی لێده‌كرا، ئێستا پێویسته‌ زیاتر یاریی بكات و مافی خۆی پێبدرێت’.

زیدان له‌باره‌ی بازاڕی گواستنه‌وه‌ی یاریزانان گوتی ‘وه‌رزی داهاتوو چه‌ند گۆڕانكارییه‌ك ده‌كه‌ین، به‌ڵام ئێستا نامه‌وێت قسه‌ له‌سه‌ر گۆڕانكارییه‌كان بكه‌م، ته‌نیا بیر له‌و یارییانه‌ی ئه‌م وه‌رزه‌ ده‌كه‌مه‌وه‌’.

Comments - کۆمێنتت چییە ؟

کۆمێنتت

Share.

Comments are closed.