بارسێلۆنا وادەی دوورکەوتنەوەی کۆتینیۆی بەهۆی پێکانەوە ڕاگەیاند

یاریگا

کەمێک پێش ئێستا یانەی بارسێلۆنا ڕایگەیاند کە (فیلیب کۆتینیۆ)ی ئەستێرەی بەڕازیلی یانەکە تووشی پێکان هاتوە و وادەی دوورکەوتنەوەشی لە یاریگاکان ڕاگەیاند.

لەم بارەیەوە، یانە کەتەلۆنییەکە ئاشکرای کرد کە کۆتینیۆ تووشی ئازارێکی زۆر لە ماسوولکەی ڕانی هاتوە و بەم هۆیەشەوە بەلانی کەم بۆ 2-3 هەفتە لە یاریکردن دوور دەکەوێتەوە، بەمەش ئەستیرەی هەڵبژاردەی بەڕازیل ناتوانێت لەگەڵ هەڵبژاردەی سامبای بەڕازیلی لە ڕۆژەکانی فیفا دەی یاری بکات جگە لەوەش لە یاری بارسێلۆنا بەرانبەر ڕیال بیتس یاری ناکات هەروەها یاری کردنی لە یاری ئاتلەتیکۆ مەدرید لە 24 ئەم مانگە جێی گومان دەبێت و ئەگەری بێ بەشبوونی هەیە.

فیلیب کۆتینیۆ، ناوەڕاستکاری بارسا لەم وەرزە ئاستێکی نایابی لەگەڵ یانەکە پێشکەش کردوە و متمانەی ڤاڵڤێردی بەدەستهێناوە و بەگۆل و ئاسیستەکانیشی هەمیشە بە یەکێک لە کلیلەکانی سەرکەوتن بۆ یانە کەتەلۆنییەکە هەژمار کراوە.

Comments - کۆمێنتت چییە ؟

کۆمێنتت

شەیر بکە لەگەڵ هاوڕێیانت.

دەربارەی نووسەر