بە وێنە.. هاندەرێک لەپێناوی کڕینی بلیتی یاریی کۆتایی لیبەرتادۆریس سەرجەم کەلوپەلەکانی خۆی دەفرۆشێت

0

هاندەرێک لەپێناوی کڕینی بلیتی یاریی کۆتایی جامی لیبەرتادۆریس لە نێوان ریڤەر پلێت و بۆکاجۆنیۆرز سەرجەم کەلوپەلەکانی خۆی دەفرۆشێت.
رێنزۆ ئەو منداڵە شەش ساڵانەیە لە خۆشەویستی بۆ یانەی ریڤەر پلێتی ئارجێنتینی بڕیاری داوە سەرجەم یاریی و کەلوپەلەکانی خۆی بفرۆشێت بۆ ئەوەی بتوانێت بەشێکی پارەی کڕینی بلیتی یارییەکە دابین بکات، کە بەگوێرەی میدیاکان لە بازاڕی رەش نرخی بلیتی ئەو یارییە گەیشتووەتە نزیکەی حەوت هەزار دۆلار.
دایکی رێنزۆ وێنەیەکی کوڕەکەی گرتووە لە کاتی هەڕاجکردنی کەلوپەلەکانی و لەسەر مێزەکەیشی نووسیوە ‘سەرجەم یاریی و کەلەپەلەکانم لەپێناوی گەیشتن بە مۆنۆمینتال دەفرۆشم’، وێنەکەی رێنزۆ لە تۆڕە کۆمەڵایەتییەکان کاردانەوەی زۆری بەدوای خۆیدا هێنا و بووە هۆی ئەوەی سەرۆکی یانەی ریڤەر پلێت و پارانا بەڵێنی ئەوە بە رێنزۆ بدەن دوو بلیت بۆ خۆی و دایکی دابین بکەن بۆ ئەوەی رۆژی شەممە لە یارییەکە ئامادە بێت، کە بۆیەکەمجار ریڤەر پلێت و بۆکاجۆنیۆرز لە یاریی کۆتایی جامی لیبەرتادۆریس رووبەڕوو دەبنەوە و لە یاریی چوون بە گۆڵێک یەکسان بووینە.

Comments - کۆمێنتت چییە ؟

کۆمێنتت

Share.

Comments are closed.