نێیمار: وه‌رزی داهاتوو ده‌گه‌ڕێمه‌وه‌ بارسێلۆنا

0

نێیماری بڕازیلی، گرانترین یاریزانی جیهان، یه‌كه‌م كه‌س ده‌بێت خۆی له‌ كه‌شتیه‌كه‌ی پاریس سانجێرمان هه‌ڵداته‌ خواره‌وه‌، كه‌ له‌سه‌ر لێواری نقووم بوونه‌، به‌هۆی سه‌رپێچكردنی له‌ باره‌ی دارایه‌وه‌، بۆیه‌ نیمۆ كاتی گه‌ڕانه‌وه‌ی به‌ كه‌سه‌ نزیكه‌كان راگه‌یاندووه‌.

به‌رنامه‌ی (ئێل شێرنگوێتۆ)ی ئیسپانی، ئاشكرای كردووه‌، كه‌ نێیمار به‌كه‌سه‌ نزیكه‌كانی راگه‌یاندووه‌، هاوینی  داهاتوو ده‌گه‌ڕێته‌وه‌ بارسێلۆنا، سه‌ر له‌نوێ بۆ یانه‌ كه‌ته‌لۆنیه‌كه‌ یاریی ده‌كاته‌وه‌، كاتێك له‌ 2017 جییهێشتووه‌، به‌رامبه‌ر 222 ملیۆن یۆرۆ.

هه‌مان سه‌رچاوه‌ ئه‌وه‌شی دووپاتكرده‌وه‌، كه‌ نێیمار به‌ نزیكه‌كانی راگه‌یاندووه‌ خۆتان ئاماده‌بكه‌ن بۆ گه‌ڕانه‌وه‌ بۆ شاری بارسێلۆنا، به‌ ڕوونی پێی وتوون، وه‌رزی داهاتوو له‌ بارسێلۆنا یاریی ده‌كه‌م، به‌ڵگه‌ش بۆ ئه‌وه‌ چه‌ند رۆژێك به‌ر له‌ ئێستا پێپ سیگۆڕا، به‌ڕێوه‌به‌ری وه‌رزشی بارسا، رایگه‌ند به‌ دووری نازانم جارێكیتر نێیمار بگه‌ڕێته‌وه‌ بۆ بلاوگرانا.

كوڕه‌ بڕازیلیه‌كه‌، له‌ 2013، له‌ یانه‌ی سانتۆس ڕوویكرده‌ بارسا، شه‌ش مانگ دوای ئه‌وه‌ ساندرۆ رۆسێلی سه‌رۆكی یانه‌كه‌ ده‌ستی له‌ كار كێشایه‌وه‌، به‌هۆی ئاشكرانه‌كردنی نرخی راسته‌قینه‌ی گواستنه‌وه‌ی نێیمار.

Comments - کۆمێنتت چییە ؟

کۆمێنتت

Share.

Comments are closed.