ئه‌و 5 یاریزانه‌ی به‌شوێنگره‌وه‌ی مۆدریچ داده‌نرێن له‌ ریال مه‌دریدا

0

له‌گه‌ڵ هه‌ڵكشانی ته‌مه‌نی لۆكا مۆدریچی ناوه‌ڕاستكاری كرواتی، كارگێڕی مێرێنگێش به‌دوای شوێنگره‌وه‌یه‌كی گونجادا ده‌گه‌ڕێت، تا پێگه‌ی باشترین یاریزانی مۆندیالی رووسیا پربكاته‌وه‌، له‌ ئێستاشدا پێرێسی سه‌رۆكی ریال مه‌درید،  ڕاوچیه‌كانی كارگێڕی تیپه‌كه‌ی ڕاسپاردووه‌، كه‌ له‌م ئه‌ستێرانه‌ یه‌كێك په‌لكێشی یانه‌كه‌ی بكه‌ن، پێگه‌ی یۆرۆ سپۆرت، ناوی ئه‌و یاریزانانه‌ی ئاشكراكردووه‌.

 

یه‌كه‌م: پۆل بۆگبای فره‌نسی، كه‌ ئێستا یاریزانی مانچێسته‌ر یونایتده‌، خاوه‌ن توانایه‌كی به‌رزی یاریی كردنه‌، به‌ تایبه‌ت له‌ مۆندیال ده‌دره‌وشایه‌وه‌، به‌ڵام له‌گه‌ڵ مۆرینهۆ بزربووه‌، له‌به‌ر ئه‌وه‌ به‌رده‌وام به‌ دڵته‌نگی ده‌بینرێ، ئه‌وه‌ش پاڵنه‌ره‌ بۆ رۆشتنی له‌ یانه‌كه‌.

دووه‌م سێرگی ساڤیچ، یاریزانی لازۆیی ئیتالی، ساڵی 2015، له‌ جامی جیهانی خوار ته‌مه‌ن 20 ساڵان ده‌ركه‌وت، كوڕه‌ سربیه‌كه‌ خاوه‌ن جه‌سته‌یه‌كی به‌هێزه‌، له‌ هێرشبردنیشدا زۆر لێهاتووه‌، به‌درێژای كاتی یاریی له‌ جوڵه‌ دایه‌، وه‌ له‌دووره‌وه‌ش خاوه‌ن لێدانی به‌هێزه‌.

سییه‌م: كریستیان ئێركسنی دانیماركی، له‌ به‌رێوه‌بردنی ریتمی یاریی و ئیداره‌دانی تیپ زۆر لێهاتووه‌، بینینێكی تایبه‌تمه‌ندی هه‌یه‌، خاوه‌ن مه‌هاره‌یكی تایبه‌ته‌، به‌رده‌وام له‌ یاریگا داهێنان ده‌كات. چه‌ندین جار ناوی په‌یوه‌ستكراوه‌ بۆ گرێبه‌ستكردن له‌گه‌ڵ ریال مه‌درید، له‌م دوایانه‌ش رایگه‌یاند، هیچ رێگریه‌ك له‌ تۆتێنهام نابینم له‌ كاتی رۆشتنم .

چواره‌م ماركۆ ڤیراتی ئیتالی، له‌ لایه‌نی هونه‌ریه‌وه‌ به‌هره‌مه‌نده‌، خێرایه‌ و زیركه‌، به‌شێوه‌یه‌كی جوان یاریزان ده‌بڕێت، ده‌مێكه‌ ده‌نگۆی رۆشتنی بۆ ئیسپانیا له‌ ئارادایه‌، به‌ڵام پاریس، ده‌ستبه‌رداری نه‌بووه‌، وه‌ هه‌ر له‌سه‌رتاوه‌ گفتۆگۆی له‌باره‌ی گواستنه‌وه‌ی ره‌تكردۆته‌وه‌.

پینجه‌م: كێڤن دێبڕۆینی بالجیكای، یه‌كێك له‌ باشترین ناوه‌ڕاستكاره‌كانی جیهانه‌، توانی سه‌رپه‌رشتی كردنی تیپه‌كه‌ی زۆر به‌رزه‌، هۆكارێك بوو بۆ شكاندنی زۆر ژماره‌ی پێوانه‌ی له‌ وه‌رزی رابردوودا له‌گه‌ڵ مانچێسته‌ر سیتی، چاوی زۆر یانه‌ی ئه‌وه‌روپی له‌سه‌ره‌.

Comments - کۆمێنتت چییە ؟

کۆمێنتت

Share.

Comments are closed.