هه‌واڵێكی خۆش له‌ ڤالڤێردییه‌وه‌ بۆ هانده‌رانی بارسێلۆنا

0

ئێرنێستۆ ڤالڤێردی له‌ دوایین پرێس كۆنفرانسی پێش یاریی سبه‌ی یانه‌كه‌ی هه‌واڵێكی خۆشی به‌ هانده‌رانی بارسێلۆنا دا.

ئێرنێستۆ ڤالڤێردی، راهێنه‌ری بارسێلۆنای ئیسپانی به‌فه‌رمی گه‌ڕانه‌وه‌ی لیۆنێل مێسی بۆ پێكهاته‌ی یانه‌كه‌ی راگه‌یاند، به‌ڵام ره‌تیكرده‌وه‌ گرێنستی ئه‌وه‌ بدات لیۆ به‌رامبه‌ر ریال بیتیس سه‌ره‌كی بێت.

بارسێلۆنا به‌فه‌رمی لیستی یاریزانه‌كانی بۆ یاریی به‌رامبه‌ر ریال بیتیس ئاشكراكردووه‌، كه‌ ناوی لیۆنێل مێسی و ساموێل ئۆمتیتی تێدایه‌، به‌ڵام ڤالڤێردی هه‌ریه‌كه‌ له‌ عوسمان دێمبلی و تۆماس ڤێرمایلینی بانگهێشتی ئه‌و یارییه‌ نه‌كردووه‌.

ڤالڤێردی پێش یارییه‌كه‌ی بیتیس له‌باره‌ی مێسییه‌وه‌ گوتی، له‌ راهێنانه‌كاندا مێسی زۆر به‌ باشی ده‌رده‌كه‌وێت و ئه‌و ته‌واو ئاماده‌یه‌، به‌ڵام پێویسته‌ مێسی له‌ هزری خۆی ترس ده‌ربكات، ده‌بێت نه‌ترسێت جارێكی دیكه‌ بكه‌وێته‌وه‌ سه‌ر ده‌سته‌كانی، چونكه‌ ئه‌م جۆره‌ پێكانانه‌ زیاتر ترس دروست ده‌كه‌ن.

بارسێلۆنا پێنج یارییه‌ به‌هۆی پێكانه‌وه‌ تواناكانی لیۆنێل مێسی له‌ده‌ست داوه‌ و سبه‌ی یه‌كشه‌ممه‌ش كاتژمێر 18:15 میوانداریی ریال بیتیس ده‌كات.

Comments - کۆمێنتت چییە ؟

کۆمێنتت

Share.

Comments are closed.