محەمەد سەلاح ئەمڕۆ بەدوای شکانی ڕیکۆردی ئەفسانەی لیڤەرپول دەگەڕێت

0

یاریگا

ئەمڕۆ لە یارییەکی ئاگرینیدا، یانەی لیڤەرپول لەسەر یاریگای خۆی میوانداری یانەی مانچێستەر سیتی دەکات، لەم یارییەش محەمەد سەلاح ئەستێرەی ڕیدز بە تۆمار کردنی گۆڵێک ڕیکۆردی ئەفسانەی لیڤەرپول هاوتا دەکاتەوە و لە شکاندنی نزیک دەبێتەوە.

ماڵپەڕی فەرمی لیڤەرپول، ئاماژەی کردوە کە سەلاح لە دوایین 3 یاری بەرانبەر یانەی مان سیتی گۆڵی تۆمار کردوە، ئەوانیش لە یاری قۆناغی دووەمی پرێمەرلیگ و هەردوو یاری چوون و هاتنی قۆناغی پێش کۆتایی چامپیۆنزلیگ بوون، بۆیە گەر ئەستێرە میسرییەکە بتوانێ ئەمڕۆ گۆڵ تۆمار بکات ئەوا ڕیکۆردی ئایان ڕاش گۆڵکار و ئەفسانەی پێشووی لیڤەرپول هاوتا دەکاتەوە، ئەو ریکۆردەش لە ساڵانی 1992 تا ساڵی 1994 تۆمار کراوە.

جێی سەرنجە، ئەمڕۆ یانەی لیڤەرپول و مان سیتی لە یاری لوتکەی پرێمەرلیگدا ڕووبەڕووی یەک دەبنەوە، هەردوو یانەکەش بە کۆی 19 خاڵ پێشەنگی ڕیزبەندییەکەیان داگیر کردوە.

Comments - کۆمێنتت چییە ؟

کۆمێنتت

Share.

Comments are closed.