بە ڤیدیۆ .. گاڵتە و باوەشی ڕامۆس و لویس ئێنریکی ڕاهێنەری لارۆخا

0

یاریگا

سێرجیۆ ڕامۆس ئەستێرە و کاپتنی ڕیاڵ مەدریدی ئیسپانی پەیوەندی بە مەشقەکانی هەڵبژاردەی ئیسپانیا کرد و یەکەمین دیداری لەگەڵ لویس ئێنریکی ڕاهێنەری تازەی لاڕۆخا بە باوەش و گاڵتەکردن دەستیپێکرد.

وەک لە گرتە ڤیدیۆییەکە دیارە ڕامۆس لەگەڵ پەیوەندی کردنی لە لایەن کاستی ڕاهێنەران و دەستەی کارگێری هەڵبژاردەی ئیسپانیا پێشوازی لێ دەکرێت و دواتریش ئێنریکی لە دواوە بێ ئاگاداری ڕامۆس خۆی بە بەرگریکارەکەی ڕیاڵ مەدرید دەکێشێت ئەویش دەڵێت ئەوە چییە پیاو ؟ کاتێک سەیر دەکات دەبینێت ئێنریکی و باوەشی پێ دەگرێت و قسە دەکەن.

بەگوێرەی میدیاکانی ئیسپانیا ئێنریکی بە ڕامۆس دەڵێت باشت پشووداوە، ڕامۆسیش دەڵێت تەنها ڕۆژێک پشوومان هەبوو، ئەویش باش نەبوو لەبەر ئەوەی منداڵەکان وازت لێ ناهێنن و سەرقاڵت دەکەن، ئینڕیکیش بە گاڵتە بە ڕامۆس دەلێت ” بیانخە ناو بەفرگرەکە”.

ئاشکرایە کە لەگەڵ وەستانی خولەکانی ئەوروپا بەهۆی ڕۆژەکانی فیفا دەی هەڵبژاردەکان کەوتنە خۆئامادەکاری بۆ یارییە دۆستانەکان، کە لەچەند رۆژی داهاتوو دەستپێدەکات.

Comments - کۆمێنتت چییە ؟

کۆمێنتت

Share.

Comments are closed.