هاندەرانی لیڤەرپول دڵی کاریۆس خۆش دەکەن


یاریگا

وێرای ئەو دوو هەڵە کوشندەیەی لۆریس کاریۆسی گۆڵپارێزی لیڤەرپول لە یاری کۆتایی چامپیۆنزلیگ کرد، هاندەرانی لیڤەرپول لە یارییە دۆستانەکەی دوێنێ شەودا ڕێزیان لە کاریۆس گرت و دڵیان خۆشکرد.

لەم بارەیەوە کاریۆس بە پەیامێک لە تویتەر وەڵامی هاندەرانی ڕێدزی دایەوە و گوتی”سوپاس بۆ ئەنفیلد بۆ ئەو پێشوازییە بێ وێنەیە”، کاریۆس زۆر دڵخۆش بوو بە پێشوازی کردنی هاندەرانی یانەکەی لە یاری دوێنێ شەو بەرانبەر تۆرینۆ کە 3-1 بۆ لیڤەرپول بەکۆتا هات، لەم یارییەش جارێکی دیکە متمانە  بە کاریۆس بەخشراوە کاتێک لە یاری دوێنێ شەو بەرانبەر تۆرینیۆ لە شوێنی باکێر ئالیسۆن لە گێمی دووەم هاتە نێو یاریگا و ئاستێکی باشی پێشکەش کرد.

ئاشکرایە کە کاریۆس لە یاری کۆتایی چامپیۆنزلیگدا بەرانبەر ڕیاڵ مەدرید دوو هەڵەی زۆر کوشندەی ئەنجامدا و لە کۆتاییدا لیڤەرپول بە ئەنجامی 3-1 یارییەکەی دۆڕاند و گۆڵپارێزەکەش دوای یارییەکە بەهۆکاری شکستەکە وەسفکرا و باری دەروونی لەو کاتەدا زۆر تێکچووبوو .

Comments - کۆمێنتت چییە ؟

کۆمێنتت

شەیر بکە لەگەڵ هاوڕێیانت.

دەربارەی نووسەر