گۆران ئەریکسن هەنگاوێکی دیکە لە راهێنەرایەتی عێراق نزیک دەبێتەوە

یاریگا-سڤین گۆران ئێریکسن راهێنەری پێشووی هەڵبژاردەی ئینگلتەرا  زۆر نزیکە لەوەی ئەرکی راهێنەرایەتی هەڵبژاردەی عێراق وەربگرێت.

سەیف روبێعی وتەبێژی یەکێتی تۆپی پێی عێراق بە ئاژانسی سکای سپۆرتی راگەیاندووە  ئێریکسن  رەزامەندی سەرەتایی نیشانداوە بۆ ئەو پۆستە بەڵام دوو بژاردەی دیکەی لەبەر دەستدایە و هێشتا خۆی یەکلانەکردووەتەوە ، هەفتەی داهاتوو بڕیاری کۆتایی دەدات.

عێراق لە پلەی ٨٩یەمینی ریزبەندی فیفایە و ٤-٨ یارییەکی دۆستانە بەرامبەر فەڵەستین ئەنجام دەدات .

راهێنەرە ٧٠ ساڵاکە دوو جار ئینگلتەرای گەیاندووەتە قۆناغی چارەگی کۆتایی جامی جیهانی، جگە لەوەش راهێنەری ئەم یانانە بووە : بەنفیکا،رۆما،فیۆرەنتینا،سامپەدۆریا،لازیۆ ، مانچستەر ستی،لێیستەر ستی و سێ یانەی خولی چینی.  هەروەها راهێنەرایەتی مەکسیک و کۆت دیڤواریشی کردووە.

Comments - کۆمێنتت چییە ؟

کۆمێنتت

شەیر بکە لەگەڵ هاوڕێیانت.

دەربارەی نووسەر

سەرنووسەری ماڵپەری یاریگا