زانیاری تازە لەبارەی ڕفاندنی جێگرە کوردەکەی سەرۆکی ئۆلۆمپی عێراق ئاشکرادەبێت

یاریگا

دوای دوو رۆژ لە دەستگیركردن، چارەنووسی بەشار مستەفا، جێگری سەرۆكی لیژنەی ئۆڵۆمپیی عێراق، بە نادیاری ماوەتەوە و سەرۆكی لیژنەی ئۆڵۆمپی كوردستانیش هۆکاری كێشەكە بۆ (یاریگانیت) باس دەکات.

سەڵاح حەسەن، سەرۆكی لیژنەی ئۆڵۆمپی كوردستان، لەبارەی هۆكارەكانی ڕفاندنی بەشار مستەفا لە لێدوانێكدا بۆ (یاریگانێت) راگەیاند “ململانێی توند لەناو یەكێتییەكە و لقەكانیدا هەیە، بە بۆچوونی من كێشەكە هەر پەیوەندیی بەوەوە هەیە و هەندێك ساردی لەگەڵ سەرۆكی ئۆلۆمپی هەبووە، بەڵام من پێم وا نییە رەعد حەمودی هەرگیز هەنگاوێكی لەو شێوەیە بنێت”.

سەرۆكی لیژنەی ئۆڵۆمپی كوردستانی سەرسووڕمانی خۆی نیشان دەدات بەوەی كە زۆر لە كەناڵە عێراقییەكان و بەتایبەتی وەرزشییەكان باسیان لە رووداوی رفاندنەكەی بەشار مستەفا نەكردووە.

بەشار مستەفا، خەڵكی شاری دهۆك و جێگری سەرۆكی لیژنەی ئۆڵۆمپیی عێراق و سەرۆكی یەكێتیی بۆكسێنی عێراقە و رۆژی سێشەممە لەكاتی گەڕانەوەی لە كەربەلاوە لەگەڵ یەكێتییەكەی كە دوو ئۆتۆمبێل بوون، لە نزیك موسەیەب لەلایەن گرووپێكەوە كە جلی سەربازییان لەبەردا بووە، رفێندراوە و هاوڕێكانی ئازاد كراون”.

 

Comments - کۆمێنتت چییە ؟

کۆمێنتت

شەیر بکە لەگەڵ هاوڕێیانت.

دەربارەی نووسەر