زاخو ل سه‌ر ئه‌نجامێن خراب به‌رده‌وامه‌

ياریگا:
رۆژهات لوقمان

پشتى یانا زاخو وه‌ك نوینه‌را كوردستانێ پشكدارى د خولا عیراقێ دا بوى و ژ چارچوڤێ برێڤه‌چوونا یاریێن پلا نایابا عیراقێ ژ یاریێن قوناغا دووێ، دوێنێ زاخو مێهڤانداریا یانا (حدود) كر.

هشیار دوبانكى ، به‌رپرسێ راگه‌هاندنا یانا زاخو بو مالپه‌رێ یاریگا دا دیاركرن: ژ چارچوڤێ برێڤه‌چوونا یاریێن پلا نایابا عیراقێ ژ یاریێن قوناغا دووێ، ئه‌ڤرۆ زاخو مێهڤانداریا یانا (حدود) كر و ئه‌م نه‌شیاین ئه‌نجامه‌كێ دلخوشكه‌ر بده‌ست خو ڤه‌ ب ئینین
دوبانكى ئه‌و چه‌نده‌ ژى بو یاریگا دیاركر: مه‌ گه‌له‌ك ده‌رفه‌تێن زێرین ژ ده‌ست خو دان و چه‌ندین گوهرینێن راهێنه‌رێ زاخو ئه‌نجام داین د باش نه‌بون و ئه‌گه‌ر بون ئه‌ڤرۆ ئه‌م به‌رامبه‌ر یانا حدود وه‌كهه‌ڤ بین ب ئه‌نجامێ (0ـ0)

ناڤبرى گوت ژى: هه‌رچه‌نده‌ هێشتا مه‌ ده‌لڤێن ماین بو ئه‌نجامێن باش چونكه‌ مه‌ هێشتا (16) یارى مانه‌ كو ئه‌نجام نه‌دانه‌ و دێ هه‌مو هیڤیێن مه‌ ئه‌و بن كو ئه‌نجامێن باش بده‌ست خو ڤه‌ ب ئینین

هشیار دوبانكى ، به‌رپرسێ راگه‌هاندنا یانا زاخو بو مالپه‌رێ یاریگا ئه‌و چه‌نده‌ ژى نه‌ڤه‌شارت: مه‌ نها (14) خال كومكرینه‌ و ئه‌م وه‌ك زاخو ب رێزا (19) دهێن ژ خولا عیراقێ لێ مه‌ (3) خالێن دیتر ژى هه‌بون لێ ژ لایێ ئێكه‌تیا ته‌پا پێ یا عیراقێ ڤه‌ زاخو هاته‌ سزادان پشتى چه‌ند یاریكه‌رێن پیشه‌گه‌رێن به‌رى نها یین زاخو سكالا ل سه‌ر زاخو تومار كرى ژ ئه‌نجامێ نه‌دانا پارێ وان یێ گرێبه‌ستێ و ئه‌گه‌ر ئه‌و (3) خاله‌ بو مه‌ بهێنه‌ ڤه‌گه‌راندن ڤه‌ دێ هیڤیێن مه‌ گه‌شتر بن ژ ئه‌ڤێ خولێ.

Comments - کۆمێنتت چییە ؟

کۆمێنتت

شەیر بکە لەگەڵ هاوڕێیانت.

دەربارەی نووسەر