مانچێسته‌ر یونایتد X لیڤه‌رپوول … ئاماره‌كانی پێش یاریه‌كه‌

یاریگا – ئه‌مڕۆ كاتژمێر (3:30) خوله‌كی پاش نیوه‌ڕۆ بە كاتی هەرێمی كوردستان، لە گه‌ڕی سییه‌می خولی نایابی ئینگلته‌رادا، یانەی مانچێسته‌ر یونایتد لە نێو یاریگای (ئۆڵد ترافۆرد)ی تایبه‌ت به‌ خۆی، میوانداری یانه‌ی لیڤه‌رپوول دەكات، ئێمەش لە ماڵپەڕی یاریگانێت گرنگترین ئامارەكانی هەردوو تیپه‌كه‌ پێش ڕوبەڕوبونەوەكەیان بڵاودەكەینەوە:

1- ئه‌مه‌ یاری ژماره‌ (170) نێوانیانه‌ له‌ خولی نایابی ئینگلیزیدا، مانچێسته‌ر یونایتد 67 یاری بردۆته‌وه‌ و لیڤه‌رپوولیش 55 یاری، له‌ 47 یاریشدا یه‌كسان بوون.

2- دوایین 10 ڕوبه‌ڕوبونه‌وه‌ی نێوانیان له‌ پریمه‌رلیگدا، مان یونایتد 5 یاری بردۆته‌وه‌ و لیڤه‌رپوولیش 2 یاری، له‌ 3 یاریشدا یه‌كسان بوون.

3- دوایین 3 یاری نێوانیان له‌ خولی نایابی ئینگلیزیدا، به‌ یه‌كسان بوون كۆتایی هاتووه‌، كه‌ دوو یاریان به‌ ئه‌نجامی (0-0) كۆتایی هاتووه‌.

4- لیڤه‌رپوول ته‌نها 5 یاری له‌ نێو یاریگای (ئۆڵد ترافۆرد) له‌ مان یونایتد بردۆته‌وه‌ له‌ پریمه‌رلیگدا، مان سیتی و چێڵسی به‌ 6 بردنه‌وه‌، زۆرترین یاریان له‌  نێو یاریگای (ئۆڵد ترافۆرد) له‌ مان یونایتد بردۆته‌وه‌.

5- له‌ دێربی ئینگلته‌رادا 16 كارتی سوور به‌كار هاتووه‌ له‌ پریمه‌رلیگدا، ته‌نها دێربی مێرسیساید له‌م زیاتر كارتی سووری تێدا به‌كار هاتووه‌ كه‌ (21) كارتی سووره‌.

6- لیڤه‌رپوول له‌م وه‌رزه‌ی پریمه‌رلیگدا، 34 گۆڵی له‌ ده‌ره‌وه‌ی یاریگای خۆی تۆماركردووه‌، زیاتر له‌ هه‌ر تیپێكی تری به‌شداربووی پێنج خوله‌ به‌هێزه‌كه‌ی ئه‌وروپادا.

7- مان یونایتد له‌ 7 یاری به‌رانبه‌ر 6 یانه‌ به‌هێزه‌كه‌ی پریمه‌رلیگ له‌م وه‌رزه‌دا، 3 یاری بردۆته‌وه‌ و 3 یاریشی دۆراندووه‌، له‌ 1 یاریشدا یه‌كسان بووه‌.

8- جۆزێ مۆرینهۆ و یۆرگن كلۆپ 8 یاریان به‌رانبه‌ر یه‌كدی ئه‌نجام داوه‌، مۆرینهۆ 1 یاری بردۆته‌وه‌ و كلۆپیش 3 یاری، له‌ 4 یاریشدا یه‌كسان بوون.

9- رۆمیلۆ لۆكاكۆ 99 گۆڵی له‌ خولی نایابی ئینگلیزیدا تۆمار كردووه‌، ته‌نها 16 گۆڵیان له‌ به‌رانبه‌ر 6 یانه‌ به‌هێزه‌كه‌ی پریمه‌رلیگدا بووه‌، به‌ ڕێژه‌ی (0،3) گۆڵ بۆ هه‌ر یاریه‌ك.

10- موحه‌مه‌د سه‌ڵاحی هێرشبه‌ری میسری له‌ دوایین 5 یاری لیڤه‌رپوول له‌ پریمه‌رلیگدا، گۆڵی تۆمار كردووه‌، هه‌روه‌ها 5 جاریش بۆته‌ باشترین یاریزانی یانه‌كه‌ی له‌م وه‌رزه‌دا.

11- ئێستا مان یونایتد به‌ كۆكردنه‌وه‌ی 62 خاڵ، له‌ پله‌ی دووه‌می ریزبه‌ندی پریمه‌رلیگدایه‌، گۆڵكاری تیپه‌كه‌ش رۆمیلۆ لۆكاكۆیه‌ به‌ تۆماركردنی 14 گۆڵ.

12- ئێستا لیڤه‌رپوول به‌ كۆكردنه‌وه‌ی 60 خاڵ، له‌ پله‌ی سێیه‌می ریزبه‌ندی پریمه‌رلیگدایه‌، گۆڵكاری تیپه‌كه‌ش موحه‌مه‌د سه‌ڵاحه‌ به‌ تۆماركردنی 24 گۆڵ.

Comments - کۆمێنتت چییە ؟

کۆمێنتت

شەیر بکە لەگەڵ هاوڕێیانت.

دەربارەی نووسەر