پیکێ بڕیاری ڕاهێنەری بارسێلۆنا ڕەتدەکاتەوە

یاریگا

بڕیارە ڕۆژی شەممەی داهاتوو، یانەی بارسێلۆنا لە یارییەکی گرنگی لیگادا ڕووبەڕووی یانەی ئیبار ببیتەوە، بەر لەو یارییەش جیڕاڕد پیکێ، بەرگریکاری بارسێلۆنا بریارێکی ڤاڵڤێردی سەبارەت بە پشووی یاریزانان ڕەت کردوەتەوە و بە تەنیا مەشقی کردوە.

لەم بارەیەوە، رۆژنامەی (AS)ی ئیسپانی بڵاویکردوەتەوە کە پیکێ پشووی دوو ڕۆژەی ڤاڵڤێردی ڕاهێنەری ڕەت کردوەتەوە و لە یاریگای شاری وەرزشی بارسێلۆنا مەشقەکانی خۆی ئەنجام داوە بۆ ئەوەی بتوانێت لە یاری بەرانبەر ئیبار بە ڕێژەی 100% ئامادەبێت، دوای ئەوەی بەهۆی هیلاکی و ژانێک لە چۆکی لە یاری هیتاڤی دابڕا، بە پێی ڕۆژنامەکە پیکێ دەیەوێت بەهەر شێوەیەک بێت بەشداری یاری ئیبار بکات و یارمەتی یانەکەی بدات، بە تایبەتی دوای ئەوەی لە 2 یاری ڕابردوودا یانەکە 4 خاڵی بەرانبەر ئیسپانیۆل و خیتاڤی لە کیسدا.

لەکۆتایی هەواڵەکەی ڕۆژنامەی AS هاتوە کە لە یاری ئیبار ساموێل ئۆمتیتی دوای تەواو بوونی سزاکەی جارێکی دەگەڕێتەوە، بەڵام تۆماس ڤێرمایلین لە پێکانەکەی چاک نەبۆتەوە و جارێکی دیکە لە دەرەوەی لیستی یارییەکە دەبێت، هەروەها چاوەڕێ دەکرێت یاری مینا جارێکی دیکە بۆ کورسی یەدەگ بگەڕێتەوە و لە پێکهاتەی سەرەکی دا ناوی نەبێت.

Comments - کۆمێنتت چییە ؟

کۆمێنتت

شەیر بکە لەگەڵ هاوڕێیانت.

دەربارەی نووسەر