ساوسهامتۆن X لیڤه‌رپوول … ئاماره‌كانی پێش یاریه‌كه‌

یاریگا – ئه‌مڕۆ كاتژمێر (7:30) خوله‌كی شه‌و بە كاتی هەرێمی كوردستان، لە گه‌ڕی بیست و حه‌وته‌می خولی نایابی ئینگلته‌رادا، یانەی ساوسهامتۆن لە نێو یاریگای (سانت مێریز)ی تایبه‌ت به‌ خۆی، میوانداری یانه‌ی لیڤه‌رپوول دەكات، ئێمەش لە ماڵپەڕی یاریگانێت گرنگترین ئامارەكانی هەردوو تیپه‌كه‌ پێش ڕوبەڕوبونەوەكەیان بڵاودەكەینەوە:-

1- دوایین 10 ڕوبه‌ڕونه‌وه‌ی نێوانیان له‌ خولی نایابی ئینگلیزیدا، ساوسهامتۆن 3 یاری بردۆته‌وه‌ و لیڤه‌رپوولیش 4 یاری، له‌ 3 یاریشدا یه‌كسان بوون.

2- لیڤه‌رپوول له‌ دوایین 3 یاری نێو یاریگای (سانت مێریز) له‌ پریمه‌رلیگدا، هیچ یاریه‌كی نه‌دۆراندووه‌، 1 یاری بردۆته‌وه‌ و له‌ 2 یاریشدا یه‌كسان بووه‌.

3- ساوسهامتۆن له‌ دوایین 6 یاری كه‌ له‌ رۆژی یه‌ك شه‌ممه‌دا ئه‌نجامی دابێت له‌ خولی نایابدا، هیچ یاریه‌كی نه‌دۆراندووه‌، 1 یاری بردۆته‌وه‌ و له‌ 5 یاریشدا یه‌كسان بووه‌.

4- لیڤه‌رپوول له‌ دوایین 17 یاری ئه‌م وه‌رزه‌ی پریمه‌رلیگدا، 11 یاری بردۆته‌وه‌ و 1 یاری دۆراندووه‌، له‌ 5 یاریشدا یه‌كسان بووه‌.

5- یۆرگن كلۆپ وه‌ك ڕاهێنه‌ری لیڤه‌رپوول 8 جار ڕوبه‌ڕوی ساوسهامتۆن بۆته‌وه‌، 2 یاری بردۆته‌وه‌ و 8 یاریشی دۆڕاندووه‌، له‌ 3 یاریشدا یه‌كسان بووه‌.

6- موحه‌مه‌د سه‌ڵاح پێنجه‌م یاریزانی لیڤه‌رپووله‌ كه‌ 20 گۆڵ بۆ لیڤه‌رپوول تۆماربكات له‌ وه‌رزێكی خولی نایابی ئینگلیزیدا، دووه‌م یاریزانی لیڤه‌رپوولیشه‌ كه‌ له‌ یه‌كه‌م وه‌رزیدا، ئه‌و ژماره‌ گۆڵه‌ تۆمار بكات.

7- ئێستا ساوسهامتۆن به‌ كۆكردنه‌وه‌ی 26 خاڵ، له‌ پله‌ی شازده‌یه‌می ریزبه‌ندی پریمه‌رلیگدایه‌، گۆڵكاری تیپه‌كه‌ش چارلی ئۆستنه‌ به‌ تۆماركردنی 6 گۆڵ.

8- ئێستا لیڤه‌رپوول به‌ كۆكردنه‌وه‌ی 51 خاڵ، له‌ پله‌ی سێیه‌می ریزبه‌ندی پریمه‌رلیگدایه‌، گۆڵكاری تیپه‌كه‌ش موحه‌مه‌د سه‌ڵاحه‌ به‌ تۆماركردنی 21 گۆڵ.

Comments - کۆمێنتت چییە ؟

کۆمێنتت

شەیر بکە لەگەڵ هاوڕێیانت.

دەربارەی نووسەر