چێڵسی X ئارسيناڵ … ئاماره‌كانی پێش یاریه‌كه‌

یاریگا – ئه‌مڕۆ كاتژمێر (11)ی شه‌و بە كاتی هەرێمی كوردستان، لە یاری چوونی قۆناغی نیوه‌ی كۆتایی جامی رابیته‌ی پیشه‌گه‌ره‌كانی ئینگلته‌رادا، یانەی چێڵسی لە نێو یاریگای (ستامفۆرد بریج)ی تایبه‌ت به‌ خۆی، میوانداری یانه‌ی ئارسیناڵ دەكات، ئێمەش لە ماڵپەڕی یاریگانێت گرنگترین ئامارەكانی هەردوو تیپه‌كه‌ پێش ڕوبەڕوبونەوەكەی ئەمشه‌ویان بڵاودەكەینەوە:-

1- دوایین 5 ڕوبه‌ڕوبونه‌وه‌ی نێوانیان له‌ جامی رابیته‌ی پیشه‌گه‌ره‌كانی ئینگلته‌رادا، چێڵسی 4 یاری بردۆته‌وه‌ و ئارسیناڵیش 1 یاری.

2- دوایین 9 ڕوبه‌ڕوبونه‌وه‌ی نێوانیان له‌ نێو یاریگای (سامفۆرد بریج) له‌ سه‌رجه‌م پاڵه‌وانێتیه‌كاندا، چێڵسی 7 یاری بردۆته‌وه‌ و ئارسیناڵیش 1 یاری، له‌ 1 یاریشدا یه‌كسان بوون.

3- چێڵسی له‌ دوایین 5 ئاماده‌بوونی له‌ قۆناغی نیوه‌ی كۆتایی جامی رابیته‌ی پیشه‌گه‌ره‌كانی ئینگلته‌رادا، 4 جاریان بۆ یاری كۆتایی سه‌ركه‌وتووه‌.

4- ئارسیناڵ بۆ جاری 15 ده‌گاته‌ قۆناغی نیوه‌ی كۆتایی جامی رابیته‌ی پیشه‌گه‌ره‌كانی ئینگلته‌رادا، ته‌نها لیڤه‌رپوول له‌م زیاتر گه‌یشتۆته‌ ئه‌م قۆناغه‌ كه‌ 17 جاره‌.

5- ئارسیناڵ 7 جار له‌ قۆناغی نیوه‌ی كۆتایی جامی رابیته‌ی پیشه‌گه‌ره‌كانی ئینگلته‌را كراوه‌ته‌ ده‌ره‌وه‌، 7 جاریش گه‌یتشتۆته‌ یاری كۆتایی و ته‌نها 2 جاریان بۆته‌ پاڵه‌وانی جامه‌كه‌.

6- ئارسین ڤینگه‌ر وه‌ك ڕاهێنه‌ری ئارسیناڵ 2 جار گه‌یشتۆته‌ یاری كۆتایی جامی رابیته‌ی پیشه‌گه‌ره‌كانی ئینگلته‌را، به‌ڵام هه‌ر 2 جاره‌كه‌ دۆراوه‌.

7- یانه‌ی لیڤه‌رپوول زۆرترین جار بۆته‌ پاڵه‌وانی جامی رابیته‌ی پیشه‌گه‌ره‌كانی ئینگلته‌را، كه‌ 8 جاره‌، یانه‌كانی (مان یونایتد و چێڵسی و ئه‌ستۆن ڤێلا) له‌ پله‌ی دووه‌م دێن، كه‌ هه‌ر یه‌كه‌یان 5 جار بوونه‌ته‌ پاڵه‌وانی جامه‌كه‌.

8- گۆڵكاری پاڵه‌وانێتیه‌كه‌ یاریزانان (خورخی زاپاران و جۆش مۆرفی و ئیسلام سلێمانی)ن كه‌ هه‌ریه‌كه‌یان 4 گۆڵیان تۆماركردووه‌.

Comments - کۆمێنتت چییە ؟

کۆمێنتت

شەیر بکە لەگەڵ هاوڕێیانت.

دەربارەی نووسەر

Leave A Reply