ئه‌ی سی میلان X ئینته‌ر میلان … ئاماره‌كانی پێش یاریه‌كه‌

یاریگا – ئه‌مڕۆ كاتژمێر (10:45) خولەكی شه‌و بە كاتی هەرێمی كوردستان، لە قۆناغی هه‌شته‌می جامی ئیتاڵیادا، دێربی شاری میلانۆ (دێربی توڕه‌) له‌ نێوان  ئه‌ی سی میلان و ئینته‌ر میلان له‌ نێو یاریگای سان سێرۆ (جۆزێپی میاتزا) به‌ڕێوه‌ ده‌چێت، ئێمەش لە ماڵپەڕی یاریگانێت گرنگترین ئامارەكانی هەردوو تیپه‌كه‌ پێش ڕوبەڕوبونەوەكەی ئەمشه‌ویان بڵاودەكەینەوە:-

1- پێش یاریه‌كه‌ی ئه‌مڕۆیان، ئه‌ی سی میلان و ئینته‌ر میلان 23 جار له‌ جامی ئیتاڵیا ڕوبه‌ڕوی یه‌كدی بونه‌ته‌وه‌، میلان 9 یاری بردۆته‌وه‌ و ئینته‌ریش 7 یاری، له‌ 7 یاریشدا یه‌كسان بوون.

2- بۆ جاری چواره‌م له‌ قۆناغی هه‌شته‌می جامی ئیتاڵیادا، ئه‌ی سی میلان و ئینته‌ر میلان به‌یه‌ك ده‌گه‌ن، میلان 2 یاری بردۆته‌وه‌ و ئینته‌ریش 1 یاری.

3- ئه‌ی سی میلان یه‌كه‌مین (3) یاری دێربی میلانۆی جامی ئیتاڵیای بردۆته‌وه‌، له‌ نێوان ساڵانی (1958 – 1972).

4- ئینته‌ر میلان له‌ دوایین (5) یاری دێربی میلانۆ له‌ جامی ئیتاڵیادا، 4 یاری بردۆته‌وه‌ و 1 یاریشی دۆراندووه‌.

5- نیكۆلا كالینیچی هێرشبه‌ری ئێستای ئه‌ی سی میلان، 4 گۆڵی له‌ به‌رانبه‌ر ئینته‌ر میلان له‌ نێو یاریگای (سان سێرۆ) تۆماركردووه‌.

6- ماورۆ ئیكاری هێرشبه‌ری ئینته‌ر میلان له‌ دوایین یاری دێربی میلانۆدا، 3 گۆڵی له‌ یانه‌ی ئه‌ی سی میلان تۆماركردووه‌.

7- پاتریك كۆترۆنی هێرشبه‌ری ئه‌ی سی میلان، له‌ سه‌رجه‌م پاڵه‌وانێتیه‌كانی ئه‌م وه‌رزه‌دا، گۆڵی بۆ میلان تۆماركردووه‌، (سێریا ئه‌ی، كۆپا ئیتاڵیا، یۆرۆپالیگ).

8- هه‌ریه‌كه‌ له‌ ماورۆ ئیكاردی و ئیڤان پێریسیچ، به‌شداری 26 گۆڵی ئه‌م وه‌رزه‌ی ئینته‌ر میلانیان كردووه‌، كه‌ ده‌كاته‌ (76%) كۆی گۆڵه‌كانی ئه‌م وه‌رزه‌ی نێراتزۆری.

9- ئه‌ی سی میلان دوایین (6) یاری نێو یاریگای خۆی له‌ جامی ئیتاڵیادا بردۆته‌وه‌، به‌ لایه‌نی كه‌مه‌وه‌ له‌ هه‌ر یاریه‌كیشدا 2 گۆڵی تۆماركردووه‌.

10- له‌وه‌ی له‌ مانگی (11)ی ساڵی (2015)ه‌وه‌ په‌یوه‌ندی به‌ ئینته‌ر میلانه‌وه‌ كردووه‌، هیچ یاریزانێكی نێراتزۆری هێنده‌ی مارسیلۆ برۆزۆڤیچ گۆڵی تۆمارنه‌كردووه‌ له‌ جامی ئیتاڵیادا، كه‌ 4 گۆڵی تۆماركردووه‌.

Comments - کۆمێنتت چییە ؟

کۆمێنتت

شەیر بکە لەگەڵ هاوڕێیانت.

دەربارەی نووسەر

Leave A Reply