بایه‌رن میونخ X بوروسیا دۆرتمۆند … ئاماره‌كانی پێش یاریه‌كه‌

یاریگا – ئه‌مڕۆ كاتژمێر (10:45)  خوله‌كی شه‌و بە كاتی هەرێمی كوردستان، لەقۆناغی شازده‌ی جامی ئه‌ڵمانیادا، یانەی بایه‌رن میونخ لە نێو یاریگای (ئه‌لیانز ئه‌رێنا)ی تایبه‌ت به‌ خۆی، میوانداری یانەی بوروسیا دۆرتمۆند دەكات، ئێمەش لە ماڵپەڕی یاریگانێت گرنگترین ئامارەكانی هەردوو تیپه‌كه‌ پێش ڕوبەڕوبونەوەكەی ئەمشه‌ویان بڵاودەكەینەوە:-

1- دواین 8 یاری نێوان بایه‌رن میونخ و بوروسیا دۆرتمۆند له‌ نێو یاریگای (ئه‌لیانز ئه‌رێنا) له‌ سه‌رجه‌م پاڵه‌وانێتیه‌كاندا، هه‌ر یه‌كه‌یان 4 یاریان بردۆته‌وه‌.

2- بایه‌رن میونخ بۆ جاری یازده‌یه‌م ڕوبه‌ڕوی بوروسیا دۆرتمۆند ده‌بێته‌وه‌ له‌ جامی ئه‌ڵمانیادا، دوایین یاریشیان له‌ قۆناغی نیوه‌ی كۆتایی وه‌رزی ڕابردوو بوو، كه‌ بوروسیا دۆرتمۆند به‌ ئه‌نجامی (3-2) یاریه‌كه‌ی برده‌وه‌.

3- له‌و 10 ڕوبه‌ڕوبوونه‌وه‌ی پێشوویان له‌ جامی ئه‌ڵمانیادا، ته‌نها 1 یاریان به‌ یه‌كسان بوونی بێ گۆڵ كۆتایی هاتووه‌، ئه‌ویش یاری كۆتایی ساڵی 2015 بوو.

4- له‌و 5 یاریه‌ی نێو یاریگای ئه‌لیانز ئه‌رێنا، بایه‌رن میونخ 3 یاری بردۆته‌وه‌ و بوروسیا دۆرتمۆندیش 2 یاری.

5- بایه‌رن میونخ له‌ دوایین 30 یاری له‌ جامی ئه‌ڵمانیادا، ته‌نها 1 یاری دۆراندووه‌، ئه‌ویش له‌ به‌رانبه‌ر بوروسیا دۆرتمۆند بوو له‌ وه‌رزی ڕابردوو، كه‌ به‌ ئه‌نجامی (2-3) دۆڕا.

6- ڕێژه‌ی تۆماركردنی گۆڵی بوروسیا دۆرتمۆند له‌ دوایین 5 یاری له‌ جامی ئه‌ڵمانیادا، بریتیه‌ له‌ (2.5) دوو گۆڵ و نیو بۆ هه‌ر یاریه‌ك.

7-  ڕێژه‌ی تۆماركردنی گۆڵی بایه‌رن میونخ له‌ دوایین 4 یاری له‌گه‌ڵ دۆرتمۆند له‌ جامی ئه‌ڵمانیادا، بریتیه‌ له‌ (2.5) دوو گۆڵ و نیو بۆ هه‌ر یاریه‌ك.

8- بایه‌رن میونخ توانیویه‌تی له‌ 3 یاری له‌ دوایین 5 یاری نێو یاریگای خۆی له‌ به‌رانبه‌ر بوروسیا دۆرتمۆند له‌ خولی ئه‌ڵمانیدا، پارێزگاری له‌ خاوێنی تۆڕی گۆڵه‌كه‌ی بكات، ته‌نها 3 گۆڵیشی لێ تۆماركراوه‌.

سه‌رچاوه‌: ماڵپه‌ڕی www.arabic.sport360.com

Comments - کۆمێنتت چییە ؟

کۆمێنتت

شەیر بکە لەگەڵ هاوڕێیانت.

دەربارەی نووسەر

Leave A Reply