ڕیال مەدرید بڕیاری فرۆشتنی گاریس بەیل دەدات و نرخەکەشی دیاری دەکات

یاریگا

وادیارە پێکانە بەردەوامەکانی گاریس بەیل، ئەستیرەی هەڵبژاردەی وێلز و یانەی ڕیال مەدرید پەلە لە رۆیشتنی یاریزانەکە وێلزییەکە لە قەڵای سانتیاگۆ بێرنابیۆ دەکات.

ڕۆژنامەی (میرۆر)ی ئینگلیزی بڵاویکردوەتەوە کە یانەی ریاڵ مەدرید ئامادەیە دەستبەرداری بەیل ببێت و بەڵام یاریزانەکە بە کەمتر لە 85 ملیۆن پاوەن نافرۆشێت، بە گوێرەی ڕۆژنامەکە جگە لە یانەی مانچستەر یۆنایتد کە مۆرینیۆ سەرپەرشتی دەکات، یانەکانی چێلسی و تۆتنهام لە بابەتی فرۆشتنی بەیل دێنە سەر خەت و بایەخ بە کڕینی ئەو یاریزانە دەدەن، بەڵام ئەوەی ڕێگر دەبێت بەرانبەر شەیتانە سوورەکان کێشەی پێشووتری نێوان ریاڵ و مان یۆنایتدە سەبارەت بە کڕینی دی خیا کە ئەگەری هەیە گرێبەستەکە لە شەیتانە سوورەکان ئاڵۆز بکات، بە تایبەتی گەر یانەی چێلسی و تۆتنهام بۆ کڕینی یرایزانەکە هەوڵی خۆیان بدەن.

گاریس بەیل کە لە ساڵی 2013 پەیوەندی بە یانەی ریاڵ مەدریدە وە کردوە، تا ئیستا لە 45% ی یارییەکانی ڕیاڵ مەدرید بەهۆی پێکان دابڕاوە، بە پێی تازەترین ئاماری پێکانەکانی ئەو یاریزانە دەرکەوتوە کە بەیل دوای پەیوەندی کردنی بەڕیاڵ مەدرید 19 جار تووشی پێکانی جۆراوجۆر هاتوە.

Comments - کۆمێنتت چییە ؟

کۆمێنتت

شەیر بکە لەگەڵ هاوڕێیانت.

دەربارەی نووسەر