کێشه‌ی ڕیاڵ مه‌درید چییه‌؟

نووسنی: چێنه‌ر عه‌بدولقادر (شرۆڤه‌كاری تۆپی پێ)

وه‌ڵامی ئه‌و پرسیاره‌ی سه‌ره‌وه‌ زۆر ئاسانه‌ ئه‌گه‌ر بڵێیت باش یاری ناکه‌ن! ڕاسته‌، به‌ڵام بۆ باش یاری ناکه‌ن؟ چۆن ده‌بێت ئاستی تیپێکی وا به‌هێز به‌خێرایی بێته‌ خواره‌وه‌؟

به‌کورتی و کوردی کێشه‌ی ڕیاڵ ئه‌وه‌بوو که‌ هێرشبه‌رانی له‌ چه‌ند یاریه‌کی سه‌ره‌تای وه‌رزدا ئاستیان باش نه‌بوو، بۆیه‌ دوچاری یه‌کسانبوون و دۆڕاندن هاتن، پاشان بێ هیوایی و دابه‌زینی ئاست هه‌موو تیپه‌که‌ی گرته‌وه‌.

بۆ سه‌لماندنی ئه‌و قسه‌یه‌ی سه‌ره‌وه‌ پێویستمان به‌ داتایه‌، ڕیاڵ مه‌درید دوو یاری لالیگا به‌رامبه‌ر ڤالانسیا و لیڤانتی یه‌کسانبوو، له‌هه‌ردوو یاریه‌که‌دا هێرشبه‌رانی هۆکاربوون، کۆنتڕۆلی یاریگای کردبوو، هه‌لی دروستده‌کرد رێژه‌ی شووت (٢٢-٧) له‌گه‌ڵ ڤالانسیا و (١٨-٥) له‌گه‌ڵ لیڤانتی بوو، دواتر به‌ بیتس دۆڕا هه‌رچه‌نده‌ رێژه‌ی شوتی (٢٧-١٢) بوو، کاتێک تیپ رێژه‌ی تۆپی لاده‌بێت و هه‌لی گۆڵکردن دروستده‌کات و گۆڵی پێناکات ئه‌وه‌ کێشه‌که‌ هێرشبه‌ره‌.

له‌ هه‌فته‌ی ڕابردوو به‌رامبه‌ر جیرۆنا کێشه‌کان گه‌وره‌تربوون، چونکه‌ ڕیاڵ ڕێژه‌ی تۆپی به‌ ٪٦١ لابوو به‌لام بۆ یه‌که‌مجار له‌م وه‌رزه‌دا هه‌لی گۆڵکردنی که‌متربوو له‌تیپی به‌رامبه‌ر که‌ (١٤-١٥) بوو، واته‌ کێشه‌که‌ بۆ مۆدریچ و ئیسکۆو باڵی ڕاست و چه‌پ و زیدانیش گوازرایه‌وه‌.

له‌ کۆتایدا ڕیاڵ مه‌درید به‌ بارودۆخێکی خراپی ده‌رونی و جه‌سته‌ییه‌وه‌ چوه‌ ناو ویمبڵی بۆ ڕوبه‌ڕوبونه‌وه‌ی تۆتنهامێک که‌ تیپێکی لاوی به‌هێزی هه‌یه‌ بۆیه‌ دوچاری شکستی گه‌وره‌تر هات، زیدان چاره‌سه‌ری کێشه‌کانی نه‌کردوه‌و کورسی یه‌ده‌گیشی لاوازه‌ ناتوانن جێگه‌ی یاریزانه‌ سه‌ره‌کیه‌کان پڕبکه‌نه‌وه‌.

ئێستا زیدان پێویسته‌ کار له‌سه‌ر تاکتیک و باری ده‌رونی تیپه‌که‌ی بکات تا ئه‌م هه‌فته‌یه‌ی لالیگا سه‌رکه‌وتن به‌ده‌ستبهێنن له‌ یاریگای خۆیان به‌رامبه‌ر لاس پاڵماسی خاوه‌نی پله‌ی ١٨ و دواتر یاری هه‌ڵبژارده‌کانه‌و دوو هه‌فته‌ی له‌به‌رده‌ستایه‌ بۆ دۆزینه‌وه‌ی چاره‌سه‌ره‌کان.

شەیر بکە لەگەڵ هاوڕێیانت.

دەربارەی نووسەر

Leave A Reply