به‌رشه‌لۆنه‌ X ئیشبیلیه‌ … ئاماره‌كانی پێش یاریه‌كه‌

یاریگا – كاتژمێر (10:45) خولەكی ئەمشەو بە كاتی هەرێمی كوردستان، لە گه‌ڕی یازده‌یه‌می خولی ئیسپانیدا، یانەی به‌رشه‌لۆنه‌ لە نێو یاریگای (كامپ نو)ی تایبه‌ت به‌ خۆی، میوانداری یانەی ئیشبیلیه‌ دەكات، ئه‌م یاریه‌ به‌ گرنگترین یاری ئه‌م هه‌فته‌یه‌ی لالیگا داده‌نرێت، ئێمەش لە ماڵپەڕی یاریگانێت گرنگترین ئامارەكانی هەردوو یانەكە پێش ڕوبەڕوبونەوەكەی ئەمشەویان بڵاودەكەینەوە:-

1- ئیشبیلیه‌ له‌ دوایین 14 سه‌ردانی بۆ نێو یاریگای (كامپ نو) له‌ خولی ئیسپانیدا، ته‌نها 2 خاڵی به‌ده‌ست هێناوه‌، تۆڕی گۆڵه‌كه‌شی به‌ ڕێژه‌ی (2.7) گۆڵ بۆ هه‌ر یاریه‌ك هه‌ژێنراوه‌.

2- به‌رشه‌لۆنه‌ له‌ دوایین 17 یاری له‌ لالیگادا نه‌دۆراوه‌، 16 یاری بردۆته‌وه‌ و له‌ 1 یاریشدا یه‌كسان بووه‌.

3- له‌ دوایین 10 یاری نێوان ئیشبیلیه‌ و به‌رشه‌لۆنه‌ له‌ خولی ئیسپانیدا، 40 گۆڵ تۆماركراوه‌، به‌ ڕێژه‌ی 4 گۆڵ بۆ هه‌ر یاریه‌ك.

4- به‌رشه‌لۆنه‌ له‌ كۆی 10 یاری ئه‌م وه‌رزه‌ی لالیگادا، ته‌نها 3 گۆڵی لێ تۆماركراوه‌، ئه‌مه‌ش باشترین ئاماری هێڵی به‌رگری تیپه‌كه‌یه‌ له‌ مێژووی به‌شداری كردنی له‌ خولی ئیسپانیدا.

4- ئیدواردۆ پێرێزی ئه‌رجه‌نتینی ڕاهێنه‌ری ئیشبیلیه‌ له‌ 6 یاریدا ڕوبه‌ڕوی به‌رشه‌لۆنه‌ بۆته‌وه‌، 3 یاری برۆدته‌وه‌ و 3 یاریشی دۆڕاندووه‌.

5- ئیشبیلیه‌ له‌ 73 یاری نێو یاریگای (كامپ نو) له‌ لالیگادا، 203 گۆڵی لێ تۆماركراوه‌، به‌ ڕێژه‌ی (2.77) گۆڵ له‌ هه‌ر یاریه‌كدا.

6- لیۆنێلی مسی ئه‌فسانه‌ له‌ 30 یاری به‌رامبه‌ر ئیشبیلیه‌ له‌ خولی ئیسپانیدا، 29 گۆڵی تۆمار كردووه‌.

7- ئیشبیلیه‌ له‌ دوایین 5 یاری لالیگادا، 8 گۆڵی لێ تۆماركراوه‌، به‌ ڕێژه‌ی (1.6) گۆڵ له‌ هه‌ر یاریه‌كدا.

8- به‌رشه‌لۆنه‌ له‌م وه‌رزه‌ی خولی ئیسپانیدا، 9 تۆپی له‌ شیش و ستونی گۆڵی تیپی به‌رامبه‌ر داوه‌، كه‌ 8 تۆپیان له‌ لایه‌ن (میسی)ه‌وه‌ ئاراسته‌ كراوه‌.

9- ئێستا به‌رشه‌لۆنه‌ به‌ كۆكردنه‌وه‌ی 28 خاڵ، له‌ پله‌ی یه‌كه‌می ریزبه‌ندی لالیگادایه‌، گۆڵكاری تیپه‌كه‌ش لێۆنێل میسیه‌ به‌ تۆماركردنی 12 گۆڵ.

10- ئێستا ئیشبیلیه‌ به‌ كۆكردنه‌وه‌ی 19 خاڵ، له‌ پله‌ی پێنجه‌می ریزبه‌ندی لالیگادایه‌، گۆڵكاری تیپه‌كه‌ش لویس مۆریله‌ به‌ تۆماركردنی 2 گۆڵ.

 

سه‌رچاوه‌: ماڵپه‌ڕی www.arabic.sport360.com

شەیر بکە لەگەڵ هاوڕێیانت.

دەربارەی نووسەر

Leave A Reply