ئه‌ی سی میلان X ڕۆما … ئاماره‌كانی پێش یاریه‌كه‌

یاریگا – ئه‌مڕۆ كاتژمێر (7)  شه‌و به‌ كاتی هه‌رێمی كوردستان، یانه‌ی ئه‌ی سی میلان له‌ گه‌ڕی (7)ی خولی ئیتاڵیدا، له‌ نێو یاریگای (سان سێرۆ)ی تایبه‌ت به‌ خۆی، میوانداری یانه‌ی رۆماده‌كات، ئه‌م یاریه‌ گرنگیه‌كی تایبه‌تی بۆ هه‌ردوو تیپ هه‌یه‌، بۆیه‌ ئێمه‌ له‌ ماڵپه‌ڕی یاریگانێت، چه‌ند ئامارێكی گرنگی پێش ڕوبه‌ڕوبوونه‌وه‌كه‌یان بڵاو ده‌كه‌ینه‌وه‌:-

1- له‌ دوایین 6 یاری نێوان میلان و رۆما له‌ كاڵچیۆدا، میلان ته‌نها 1 یاری بردۆته‌وه‌ و رۆماش 3 یاری، له‌ 2 یاریدا یه‌كسان بوون.

2- رۆما دوایین 9 یاری ده‌ره‌وه‌ی یاریگای خۆی له‌ سێریا ئه‌ی بردۆته‌وه‌، ڕێژه‌ی تۆماركردنی گۆڵیشی بۆ هه‌ر یاریه‌ك ده‌كاته‌ (3.2) گۆڵ.

3- 60% گۆڵه‌كانی ئه‌م وه‌رزه‌ی میلان له‌ كاڵچیۆدا له‌ ڕێگه‌ی تۆپی وه‌ستاوه‌ بووه‌، به‌ڵام رۆما له‌ دوایین 4 یاریدا له‌ رێگه‌ی یاری كراوه‌وه‌ گۆڵی تۆماركردووه‌.

4- رۆما ڕێژه‌ی (18.8) شووت بۆ هه‌ر یاریه‌كی له‌م وه‌رزه‌ی خولی ئیتاڵیدا هه‌یه‌، ته‌نها ناپۆلی نه‌بێت كه‌ به‌ ڕێژه‌ی (19) شووت بۆ هه‌ر یاریه‌كی له‌م وه‌رزه‌ی خولی ئیتاڵیدا، له‌ پێشه‌وه‌ی دێت.

5- ستیفان شه‌عراوی یاریزانی رۆما، 2 گۆڵی له‌ میلانی یانه‌ی پێشووی له‌ كاڵچیۆ تۆماركردووه‌.

6- ئیدین دزیكۆ له‌ دوایین 4 یاری سێریا ئه‌یدا، 6 گۆڵی تۆماركردووه‌، له‌ دوایین یاری نێوان میلان و رۆما له‌ یاریگا سان سێرۆدا، به‌شداری 3 گۆڵی كردووه‌، 2 گۆڵ و 1 ئه‌سیست.

7- ئێستا ئه‌ی سی میلان به‌ كۆكردنه‌وه‌ی 12 خاڵ، له‌ پله‌ی 6 ریزبه‌ندی ئه‌م وه‌رزه‌ی كاڵچیۆدایه‌، گۆڵكاری تیپه‌كه‌ش پاتریك كۆترۆنییه‌ به‌ تۆماركردنی 2 گۆڵ.

8- ئێستا رۆما به‌ كۆكردنه‌وه‌ی 12 خاڵ، له‌ پله‌ی 5 ریزبه‌ندی ئه‌م وه‌رزه‌ی كاڵچیۆدایه‌، گۆڵكاری تیپه‌كه‌ش پاتریك ئیدین دزیكۆیه‌ به‌ تۆماركردنی 6 گۆڵ.

 

شەیر بکە لەگەڵ هاوڕێیانت.

دەربارەی نووسەر

Leave A Reply