فه‌رمی | بارسێلۆنا گواستنه‌وه‌ی پاوڵینهۆی راگه‌یاند

DHL5oXLXkAAVvxw

یاریگا-یانه‌ی بارسێلۆنا به‌فه‌رمی کڕینی پاوڵینهۆی ناوه‌راستکاری گوانگژۆو ئێڤه‌رگراندی راگه‌یاند.

نێوده‌وڵه‌تیه‌ به‌ڕازیلییه‌که‌ له‌ تۆتنهامه‌وه‌ روویکرده‌ ئاسیا له‌ یه‌کێک له‌ شاڵاوه‌کانی کۆچی پێچه‌وانه‌ به‌ره‌و چین، به‌ڵام بارسا  بوو به‌ یه‌که‌م یانه‌ یاریزانێک له‌وێوه‌ بگه‌ڕێنێته‌وه‌ ئه‌ورووپا و به‌رامبه‌ر به‌ ٤٠ ملیۆن یۆرۆ تواناکانی ئه‌و یاریزانه‌ی به‌ده‌ست هێنا. سزای هه‌ڵوه‌شاندنه‌وه‌ی گرێبه‌سته‌که‌شی ١٢٠ ملیۆن یۆرۆیه‌.

پاوڵینهۆی ٢٩ ساڵ له‌ پێکهاته‌ی سه‌ره‌کی تیتۆی راهێنه‌ری به‌ڕازیلدایه‌ و چاوه‌ڕوانده‌کرێت به‌شداری جامی جیهانی بکات.

ناوبراو یه‌که‌م یاریزانی نوێی بارسایه‌ دوای رۆیشتنی نێیمار به‌ ٢٢٢ ملیۆن یۆرۆ.

 

شەیر بکە لەگەڵ هاوڕێیانت.

دەربارەی نووسەر

سەرنووسەری ماڵپەری یاریگا

Leave A Reply