کۆتایی هات ! نێیمار ماڵئاوایی له‌ یاریزانانی بارسێلۆنا کردووه‌

1501660529328

 
 

یاریگا-له‌ نوێترین پێشهاتی  ده‌نگۆی گواستنه‌وه‌ی نێیمار داسیلڤادا ، رۆژنامه‌کانی ئیسپانیا  بڵاویان کرده‌وه‌  ئه‌مڕۆ  ئه‌ستێره‌ به‌ڕازیلییه‌که‌  ماڵئاوایی له‌ یاریزانانی بارسێلۆنا کردووه‌ و به‌مزووانه‌ په‌یوه‌ندی به‌ پاریس ده‌کات.

رۆژنامه‌ی موندۆ دیپۆرتیڤۆ ، هه‌روه‌ها میدیای کاتالۆنیا RAC1   بڵاویانکرده‌وه‌  پاش گه‌ڕانه‌وه‌ی  ئه‌و یاریزانه‌ بۆ بارسێلۆنا  ئه‌مڕۆ به‌شداری له‌ مه‌شقه‌کان نه‌کردووه‌ به‌ڵکو گه‌ڕاوه‌ته‌وه‌ بۆ ماڵئاوایی له‌ یانه‌که‌ و بڕیاری خۆشی به‌ یاریزانان و هاوڕێکانی راگه‌یاندووه‌. رۆژنامه‌نووسی ناوداری سکای سپۆرتیش  گیلیم بالاگیو  ده‌ڵێت یاریزانه‌ دیاره‌کانی بارسا ته‌واو وه‌ڕه‌سن له‌ نێیمار و چیتر ئه‌وه‌ ناشارنه‌وه‌ که‌ ناوبراو کۆتایی هاتووه‌ له‌گه‌ڵ بارسا.

نێیمار ته‌نیا نیو کاتژمێر له‌ سیوتات ئیسپۆرتیڤۆی شوێنی مه‌شقه‌کانی بارسا ماوه‌ته‌وه‌ ، کاتژمێر ٩:٠٠ی به‌یانی گه‌یشتووه‌ته‌ ئه‌وێ  له‌ ژووری خۆگۆڕین ماڵئاوایی له‌ یاریزانه‌کان کردووه‌ ، تاوه‌کو ٩:٣٠ ماوه‌ته‌وه‌ که‌ کاتی ده‌ستپێکردنی مه‌شقه‌کان بوووه‌ ،  و له‌ ٩:٣٥ دا  ئه‌وێی جێهێشتووه‌.

به‌مه‌ش نێیمار داسیلڤا   مێژووییه‌کی نوێ له‌ تۆپی پێ ده‌نووسێته‌وه‌ و به‌ ٢٢٢ ملیۆن یۆرۆ ده‌بێته‌ گرانترین یاریزانی جیهان و ئه‌و پاره‌یه‌ش به‌لایه‌نی که‌م دوو هێنده‌ی بڕه‌ پاره‌ی گواستنه‌وه‌ی پاوڵ پۆگبا بوو که‌ هاوینی رابردووه‌ بووه‌ گرانترین.

 

شەیر بکە لەگەڵ هاوڕێیانت.

دەربارەی نووسەر

سەرنووسەری ماڵپەری یاریگا

Leave A Reply