ئه‌گه‌ری هه‌ڵوه‌شاندنه‌وه‌ی خولی سوپه‌ری چینی هه‌یه‌

MAIN-Oscar-Tevez

یاریگا-خولی چینی به‌ قه‌یرانێکی سه‌ختدا تێده‌په‌ڕێت و ره‌نگه‌  ئه‌و ئه‌ستێره‌ جیهانیانه‌ له‌ده‌ست بدات که‌ روویانکرده‌ته‌ ئه‌و وڵاته‌.

ژماره‌یه‌کی زۆر یانه‌ی چین له‌ نێویاندا ١٣ یانه‌ی خولی سوپه‌ر ناتوانن موچه‌ی یاریزانه‌کانیان بده‌ن و که‌متر له‌ مانگێکیش واده‌یان بۆ دانراوه‌.

یه‌کێتی تۆپی پێی چین به‌و یانانه‌ی راگه‌یاندووه‌ تاوه‌کو ٨/١٥  ده‌رفه‌تیان پێده‌دات بۆ ئه‌وه‌ی کێشه‌ داراییه‌کانیان چاره‌سه‌ربکه‌ن و موچه‌کان بده‌ن ، به‌ پێچه‌وانه‌وه‌ بۆ وه‌رزی داهاتوو له‌ خولی سوپه‌ر دووریان ده‌خاته‌وه‌.  یانه‌ی شانگهای شینوا  که‌ هه‌فتانه‌ ٦١٥ هه‌زار پاوه‌ند ده‌دات به‌ کارلۆس تێڤێز له‌ لیستی ئه‌و یانانه‌دایه‌. هه‌روه‌ها شانگای سیپگ  خاوه‌نی هۆڵک و ئۆسکار له‌ هه‌مان کێشه‌دایه‌.

حکومه‌تی چین له‌م ساڵدا رێوشوێنی ئابوری توندی گرته‌به‌ر تاوه‌کو یانه‌کانی ئه‌و وڵاته‌ له‌ به‌هه‌ده‌ردانی پاره‌ی چین له‌ یاریزانی بێگانه‌ دووربخاته‌ و هه‌وڵی پێشخستنی  یاریزانه‌ ناوخۆییه‌کان بده‌ن.

شەیر بکە لەگەڵ هاوڕێیانت.

دەربارەی نووسەر

سەرنووسەری ماڵپەری یاریگا

Leave A Reply