لێکۆڵینه‌وه‌یه‌ک : به‌های ئالی و که‌ین له‌ رۆناڵدۆ و مێسی به‌رزتره‌!

DCGaefqXoAEPZVe

یاریگا-رۆناڵدۆ و مێسی دوو جه‌مسه‌ره‌که‌ی  تۆپی پێ ره‌نگه‌ دوو گه‌وره‌ترین یاریزانی سه‌ده‌ی ٢١ بن ، به‌ڵام به‌پێی نوێترین لێکۆڵینه‌وه‌ نرخیان له‌ دێلی ئالی و هاری که‌ین که‌متره‌.

سه‌نته‌ری نێوده‌وڵه‌تی بۆ لێکۆڵینه‌وه‌ی وه‌رزشی CIES  له‌ نوێترین بڵاوکراوه‌یدا نرخی ئه‌و یاریزانانه‌ی راگه‌یاند که‌به‌پێی ته‌مه‌ن و باری جه‌سته‌یی و ئاستیان  به‌ نرخترینن له‌ جیهاندا.  لێکۆڵینه‌وه‌که‌ ریزبه‌ندی ١١٠ گرانترین یاریزانی جیهانی ئه‌نجامداوه‌  به‌پێی به‌راورکردنی ٢٠٠٠ گرێبه‌ستی تۆپی پێ و دۆزینه‌وه‌ی پێوه‌رێک له‌نێوان سه‌رجه‌م گرێبه‌سته‌کان.

له‌ ئه‌نجامه‌که‌یدا نێیمار داسیلڤای به‌ڕازیلی له‌ پله‌ی یه‌که‌مدایه‌ و دێلی ئالی ئه‌ستێره‌ی تۆتنهام له‌ پله‌ی دووهه‌م. نێیمار نرخی ٢١٠.٧ملیۆن یۆرۆ یه‌ به‌پێی  ئاست ، یانه‌ ، هه‌ڵبژارده‌ ، ته‌مه‌ن ، پێگه‌ و نرخی بازاڕ.

مێسی که‌ له‌م مانگه‌دا ته‌مه‌نی ده‌گاته‌ ٣٠ ساڵ نرخی به‌ ١٥١.٧ ملیۆن یۆرۆ قه‌بڵێنراوه‌ ، رۆناڵدۆی ٣٢ ساڵیش ١١٢.٤ ملیۆن یۆرۆ. ئه‌مه‌ له‌ کاتێکدا دێلی ئالی و هاری که‌ین به‌  ١٥٥ ملیۆن و ١٥٣ ملیۆن دانراون.

رۆناڵدۆ به‌ ته‌مه‌نترین یاریزانه‌ که‌ له‌ ١٠٠ گرانترینی جیهاندابێت . وه‌ کایلیان ئێمباپی لاوترینه‌  به‌ ٩٢.٦ ملیۆن یۆرۆ.

پاوڵ پۆگبای گرانترین یاریزانی جیهانیش له‌ پله‌ی ٤٣دایه‌ به‌ ٦٦.٧ ملیۆن یۆرۆ.

یاریگا به‌مزووانه‌ له‌ بابه‌تێکی تایبه‌تدا ناوی ته‌واوی یاریزانه‌کان بڵاوده‌کاته‌وه‌ .

شەیر بکە لەگەڵ هاوڕێیانت.

دەربارەی نووسەر

سەرنووسەری ماڵپەری یاریگا

Leave A Reply