سنایدێر ژماره‌ی پێوانه‌یی مێژووی هۆڵه‌ندای یه‌کسانکرده‌وه‌ بۆ زۆرترین یاری

DBf44rpXUAADQcS

یاریگا-وێسلی سنایده‌ر  توانی بگاته‌ یاری ژماره‌  ١٣٠ له‌گه‌ل هه‌ڵبژارده‌ی هۆڵه‌ندا  و به‌وه‌ش ریکۆرده‌که‌ی ئیدوین ڤانده‌رساری یه‌کسانکرده‌وه‌ وه‌کو زۆرترین یاری له‌گه‌ڵ هه‌ڵبژارده‌ی ئاشه‌هه‌واییه‌کان.

ناوبراو له‌ یارییه‌ دۆستانه‌که‌ی به‌رامبه‌ر کۆتدیڤوار به‌و ئاواته‌ی گه‌یشت و توانییان یارییه‌که‌ ٥-٠ له‌ به‌رژه‌وه‌ندی خۆیان به‌کۆتا بهێنن.  ناوبراو ره‌خنه‌ی لێگیرا له‌سه‌ر ئه‌وه‌ی له‌پێناو شکاندنی ئه‌و ژماره‌ پێوانه‌ییه‌دا  زیانی به‌ گالاته‌سه‌رای و هۆڵه‌ندا گه‌یاندووه‌،  سنایدێر ٢٩ی مانگ له‌گه‌ڵ گالاته‌سه‌رای به‌رامبه‌ر ئالانیاسپۆر یاری کرد ، دوای ته‌نیا دوو رۆژ گه‌ڕایه‌وه‌ وڵاته‌که‌ی و به‌رامبه‌ر مه‌غریب یاری کرد، راسته‌وخۆ گه‌ڕایه‌وه‌ تورکیا و به‌شداری له‌ کۆتا یاری گالاته‌سه‌رای کرد له‌م وه‌رزه‌دا له‌ رۆژی شه‌ممه‌. دوێنێ یه‌کشه‌ممه‌ش له‌ یارییه‌که‌ی کۆتدیڤوار له‌گه‌ڵ هۆڵه‌ندا به‌شداربوو!

سنایدێر وتی “ڤانده‌رسار له‌ ته‌مه‌نی ٤٠ ساڵیدا گه‌یشت به‌و ژماره‌ پێوانه‌ییه‌ به‌ڵام من ٣٢ ساڵم و ئه‌وه‌ش شتێکی سه‌رسوڕهێنه‌ره‌ له‌ کاتێکدا گۆڵپارێزه‌کان به‌ گشتی زیاتر یاری ده‌که‌ن له‌ یاریزانی دیکه‌.  بینیومه‌ و گوێشم لێبووه‌ که‌سانێک ره‌خنه‌ ده‌گرن له‌سه‌ر یاریکردنم به‌ڵام ره‌خنه‌کانیان به‌هه‌ند وه‌رناگرم و دڵنیام زۆرینه‌ی هانده‌رانیش به‌و جۆره‌ بیرده‌که‌نه‌وه‌”.

کۆمێنتی تۆ؟
شەیر بکە لەگەڵ هاوڕێیانت.

دەربارەی نووسەر

سەرنووسەری ماڵپەری یاریگا

Leave A Reply