هاوژین مه‌لازاده‌ ناوی مێسی لەسەر دەستی تاتۆ دەکات

 

Screen Shot 2017-04-23 at 12.31.04 PM

یاریگا

وادیارە کلاسکۆی زەوی ناوەندی هونەریشی بەخۆیەوە سەرقاڵ کردووە، هاوژین مه‌لازاده‌، خانمه‌ هونه‌رمه‌ندی كورد، پێشبینی خۆی بۆ یاریی كلاسیكۆی نێوان ڕیال مه‌درید و بارسێلۆنا ئاشكرا ده‌كات و سه‌رسامی ئاستی یاریزانی بارسێلۆنا مێسی_یه‌ و ناوی یاریزانەکە لەسەر دەستی تاتۆ کردووە.

هاوژین مه‌لازاده‌، له‌مباره‌یه‌وه‌ به‌ (یاریگانێت)ـی ڕاگه‌یاند : “پێشبینی ده‌كه‌م یانه‌ی بارسیلۆنا براوه‌ی یارییه‌كه‌ بێت، ئه‌گه‌ر میسیش گۆڵ تۆمار بكات، ئه‌وا یارییه‌كه‌ به‌ تاموچێژتر ده‌بێت”.

هه‌روه‌ها، گوتیشی : ” پێشبینی ده‌كه‌م بارسا به‌ ئه‌نجامی 3_1 یارییه‌كه‌ له‌به‌رژه‌وه‌ندی خۆیی كۆتایی پێ بهێنێت”.

هاوژین، گرنگی به‌ وه‌رزشكردن ده‌دات و چه‌ند مانگێكیش به‌ مه‌به‌ستی دابه‌زاندنی كێشی خۆى، ڕۆژانه‌ به‌رده‌وام وه‌رزشی ئه‌نجامداوه‌، ماوه‌یه‌ك پێش ئێستا تاتۆیه‌كی له‌سه‌ر ده‌ستی نه‌خشاندووه‌ و نوسیوویه‌تی (لیۆ)، گوتیشی : ” سه‌رسامم به‌ ئاستی یاریكردنی مێسی، چونكه‌ یاریزانێكی زیره‌كه‌”.

بڕیاره‌ ئێواره‌ی سبه‌ی شه‌و یه‌ك شه‌ممه‌ 23_4_2017، كاتژمێر 9:45 خوله‌ك به‌ كاتی هه‌رێمی كوردستان، یانه‌ی ڕیال مه‌درید و بارسیلۆنا، له‌ نێو یاریگای سانتایكۆ بێرنابیۆ ڕووبه‌ڕووی یه‌كتر ببنه‌وه‌، ئه‌و یارییه‌ به‌ پڕبینه‌رترین یاری كلاسیكۆ له‌ جیهاندا داده‌نرێت ، بۆیه‌ به‌ كلاسیكۆی زه‌وی ناوزه‌ند ده‌كرێت.

Screen Shot 2017-04-23 at 12.25.23 PM

 

شەیر بکە لەگەڵ هاوڕێیانت.

دەربارەی نووسەر

Leave A Reply