ئه‌مڕۆ گه‌ڕێکی نوێی خولی نایابی عێراق ده‌ست پێده‌کات و زاخۆ یاری هه‌یه‌

IPL

یاریگا-به‌ ئه‌نجامدانی پێنج یاری ، ئه‌مڕۆ گه‌ڕی ٢٠هه‌می خولی نایابی عێراق ده‌ست پێده‌کات.

یانه‌کانی قووه‌ جه‌ویه‌ و شوڕته‌ که‌ هیچ کامێکیان له‌ دواین پێنج یاریدا توشی شکست نه‌هاتوون ، ئه‌رکیان ئاسانه‌ و روبه‌رووی کاره‌با و حوسه‌ین ده‌بنه‌وه‌.

شوڕته‌ به‌ بردنه‌وه‌ ، به‌شێوه‌یه‌کی کاتی خۆی ده‌گه‌یه‌نێته‌ پله‌ی دووهه‌می ریزبه‌ندی. بارودۆخه‌که‌ هاوشێوه‌یه‌ بۆ قووه‌ جه‌ویه‌ که‌ خاڵێک که‌متری له‌ شوڕته‌ هه‌یه‌ و بردنه‌وه‌ ده‌یگه‌یه‌نێته‌ پله‌ی دووهه‌م.

له‌ یارییه‌کانی دیکه‌دا نه‌وتی میسان دوای چوار به‌رامبه‌ربوونی له‌سه‌ریه‌ک ده‌یه‌وێت به‌ سوود وه‌رگرتن له‌ خاکی خۆی  شکست به‌ به‌غدا بهێنێت.

زاخۆ روبه‌رووی که‌ربه‌لا ده‌بێته‌وه‌ له‌و یارییه‌ی پێویستی به‌ سه‌رکه‌وتنه‌ تاوه‌کو له‌ ناوچه‌ی دابه‌زین بۆ ریزی پله‌یه‌ک دووربکه‌وێته‌وه‌. تاکه‌ نوێنه‌ره‌که‌ی کوردستان ته‌نها دوو خاڵ له‌ ناوچه‌ی دابه‌زین دووره‌.

خشته‌ و کاتی یارییه‌کان

01/03/17 نەفتی میسان ٣:٠٠ بەغداد
زاخۆ ٣:٠٠ کەربەلا
کارەبا ٣:٠٠ قوە جەوییە
شورتە ٤:٣٠ حوسێن
مینا بەصرە ٧:٠٠ به‌حری
شەیر بکە لەگەڵ هاوڕێیانت.

دەربارەی نووسەر

سەرنووسەری ماڵپەری یاریگا

Leave A Reply