لیڤه‌رپوول X تۆتێنهام … ئاماره‌كانی پێش یاریه‌كه‌

53

یاریگا – ئه‌مڕۆ كاتژمێر (8:30) خوله‌كی شه‌و به‌ كاتی هه‌رێمی كوردستان، یانه‌ی لیڤه‌رپوول له‌ گه‌ڕی (25)ی خولی نایابی ئینگلته‌رادا، له‌ نێو یاریگای (ئانفێڵد)ی تایبه‌ت به‌ خۆی، میوانداری یانه‌ی تۆتێنهام ده‌كات، ئه‌م یاریه‌ گرنگییه‌كی تایبه‌تی بۆ هه‌ردوو تیپ هه‌یه‌، بۆیه‌ ئێمه‌ له‌ ماڵپه‌ڕی یاریگانێت، چه‌ند ئامارێكی گرنگی پێش ڕووبه‌ڕووبوونه‌وه‌كه‌یان بڵاو ده‌كه‌ینه‌وه‌:-

1- له‌ دوایین 8 یاری نێوانیان له‌ خولی نایابی ئینگلیزیدا، لیڤه‌رپوول هیچ یاریه‌كی نه‌دۆڕاندووه‌، 6 یاری بردۆته‌وه‌ و له‌ 2 یاریش یه‌كسان بووه‌.

2- له‌ دوایین 24 یاری نێوانیان له‌ نێو یاریگای ئانفێڵد له‌ پریمه‌رلیگدا، لیڤه‌رپوول 15 یاری بردۆته‌وه‌، تۆتێنهام ته‌نها 2 یاری بردۆته‌وه‌، له‌ 7 یاریشدا یه‌كسان بوون.

3- ماوریسیۆ پۆچیتینۆ وه‌ك ڕاهێنه‌ری تۆتنهام 6 جار ڕووبه‌ڕووی  لیڤه‌رپوول بۆته‌وه‌، هیچ یاریه‌كی نه‌بردۆته‌وه‌، له‌ 3 یاریدا یه‌كسان بووه‌ و له‌ 3 یاریشدا دۆڕاوه‌، به‌ڵام وه‌ك ڕاهێنه‌ری ساوسهامتۆن 3 جار ڕووبه‌ڕووی لیڤه‌رپوول بۆته‌وه‌، 2 یاری بردۆته‌وه‌ و 1 باریش دۆڕاوه‌.

4- یانه‌ی لیڤه‌رپوول له‌ دوایین 10 یاری له‌ پریمه‌رلیگدا، 4 یاری بردۆته‌وه‌، له‌ 2 یاریدا دۆڕاوه‌ و له‌ 4 یاریشدا یه‌كسان.

5- یانه‌ی تۆتێنهام له‌ دوایین 10 یاری له‌ پریمه‌رلیگدا، 7 یاری بردۆته‌وه‌، له‌ 1 یاریدا دۆڕاوه‌ و له‌ 2 یاریشدا یه‌كسان.

6- تۆتێنهام خاوه‌نی به‌هێزترین هێڵی به‌رگرییه‌، كه‌ 16 گۆڵی لێ تۆماركراوه‌، یاریزانه‌كانیشی 46 گۆڵیان تۆماركردووه‌.

7- لیڤه‌رپوول خاوه‌نی به‌هێزترین هێڵی هێرشبردنه‌، كه‌ یاریزانه‌كانی 52 گۆڵیان تۆماركردووه‌، به‌ڵام به‌ده‌ست لاوازی هێڵی به‌رگرییه‌وه‌ ده‌ناڵێنێت، كه‌ 30 گۆڵی لێ تۆماركراوه‌، لاوازترینه‌ له‌ نێو 8 تیپه‌ یه‌كه‌مه‌كه‌ی پریمه‌رلیگ.

8- هاری كین به‌ تۆماركردنی 14 گۆڵ، گۆڵكاری یانه‌ی تۆتێنهامه‌، سادیۆ مانیش به‌ تۆماركردنی 9 گۆڵ، گۆڵكاری یانه‌ی لیڤه‌رپووله‌.

9- ئێستا یانه‌ی لیڤه‌رپوول به‌ كۆكردنه‌وه‌ی 46 خاڵ، له‌ پله‌ی 5 ریزبه‌ندی پریمه‌رلیگدایه‌.

10- ئێستا یانه‌ی تۆتێنهام به‌ كۆكردنه‌وه‌ی 50 خاڵ، له‌ پله‌ی 2 ریزبه‌ندی پریمه‌رلیگدایه‌.

Comments - کۆمێنتت چییە ؟

کۆمێنتت

شەیر بکە لەگەڵ هاوڕێیانت.

دەربارەی نووسەر