شرۆڤه‌ی گرنگترین یاریه‌كانی هه‌فته‌ی (24)ی كاڵچیۆ

20

یاریگا –  كاتژمێر (10:45) خوله‌كی ئه‌مشه‌و به‌ كاتی هه‌ریمی كوردستان، به‌ یاری نێوان ناپۆلی و جه‌نه‌وا، هه‌فته‌ی 24 یاریه‌كانی خولی ئیتاڵی ده‌ست پێ كرد، به‌ یاری نێوان لازیۆ و میلانیش كه‌ رۆژی دوو شه‌ممه‌ كاتژمێر (10:45) خوله‌كی شه‌و به‌ كاتی هه‌ریمی كوردستان ئه‌نجام ده‌درێت، كۆتایی دێت. ئێمه‌ له‌ ماڵپه‌ڕی یاریگانێت، شرۆڤه‌ی گرنگترین یاریه‌كانی ئه‌م هه‌فته‌یه‌ ده‌كه‌ین.

یاری یه‌كه‌م: فیۆره‌نتینا و ئۆدینێزی

47

یاریگا: ئه‌رتیمۆ فرانكی تایبه‌ت به‌ یانه‌ی فیۆره‌نتینا

ژماره‌ی كورسی: 47282

به‌روار: 11/ 2/ 2017

كات: 10:45 خوله‌كی شه‌و به‌ كاتی هه‌رێمی كوردستان

ڕاهێنه‌ری فیۆره‌نتینا: پاولۆ سۆزا

پلانی یاریكردن: 3-4-2-1 (3-4-3)

ڕاهێنه‌ری ئۆدێنێزی: لویجی دێلنێری

پلانی یاریكردن: 4-1-4-1

یانه‌ی فیۆره‌نتینا ئه‌نجامه‌كانی ناجێگیره‌، هه‌فته‌ی ڕابردوو به‌ ئه‌نجامی 4-0 به‌ یانه‌ی رۆما دۆرا. نوێنه‌ره‌كه‌ی شاری فلۆره‌نسا له‌ دوایین 10 یاری له‌ كاڵچیۆدا، 5 یاری بردۆته‌وه‌، له‌ 3 یاریدا دۆراوه‌ و له‌ 2 یاریشدا یه‌كسان.

یاریزانانی فیۆره‌نتینا 38 گۆڵیان تۆماركردووه‌ و 33 گۆڵیشیان لێ تۆماركراوه‌، گۆڵكاری تیپه‌كه‌ش نیكۆلا كالینیچه‌ به‌ تۆماركردنی 10 گۆڵ، ئێستا ڤیۆلا به‌ كۆكردنه‌وه‌ی 37 خاڵ، له‌ پله‌ی 8 ریزبه‌ندی كاڵچیۆدایه‌.

هه‌رچی یانه‌ی ئۆدێنێزییه‌ به‌ هه‌ما شێوه‌ی یانه‌ی فیۆره‌نتینا ئه‌نجامه‌كانی ناجێگیره‌، ئۆدێنێزی له‌ دوایین 10 یاری له‌ كاڵچیۆدا، 4 یاری بردۆته‌وه‌، له‌ 2 یاریدا دۆراوه‌ و له‌ 4 یاریشدا یه‌كسان.

یاریزانانی ئۆدێنێزی 27 گۆڵیان تۆماركردووه‌ و 29 گۆڵیشیان لێ تۆماركراوه‌، گۆڵكاری تیپه‌كه‌ش سیریل تیریۆیه‌ به‌ تۆماركردنی 9 گۆڵ، ئێستا ئۆدێنێزی به‌ كۆكردنه‌وه‌ی 29 خاڵ، له‌ پله‌ی 11 ریزبه‌ندی كاڵچیۆدایه‌.

یاری دووه‌م: كالیاری و یوڤێنتوس

48

یاریگا: سانت ئیلیا تایبه‌ت به‌ یانه‌ی كالیاری

ژماره‌ی كورسی: 16،000

به‌روار: 12/ 2/ 2017

كات: 10:45 خوله‌كی شه‌و به‌ كاتی هه‌رێمی كوردستان

ڕاهێنه‌ری كالیاری: ماسیمۆ ڕاستێلی

پلانی یاریكردن: 4-1-4-1

ڕاهێنه‌ری یوڤێنتوس: ماسیمیلیانۆ ئه‌لیگری

پلانی یاریكردن: 3-4-3 (3-5-2)

یانه‌ی كالیاری له‌م وه‌رزه‌دا ئاستێكی خراپ پێشكه‌ش ده‌كات، هه‌فته‌ی ڕابردوو به‌ ئه‌نجامی 2-0 به‌ یانه‌ی ئه‌ته‌لانتا دۆڕا، نوێنه‌ره‌كه‌ی شاری سه‌ردینا له‌ دوایین 10 یاری له‌ كالچیۆدا، 5 یاری بردۆته‌وه‌، له‌ 3 یاریدا دۆڕاوه‌ و له‌ 2 یاریشدا یه‌كسان.

یاریزانانی كالیاری 32 گۆڵیان تۆماركردووه‌ و 48 گۆڵیشیان لێ تۆمار كراوه‌، گۆلكاری تیپه‌كه‌ش ماركۆ بۆریلۆیه‌ به‌ تۆماركردنی 10 گۆڵ، ئێستا كالیاری به‌ كۆكردنه‌وه‌ی 27 خاڵ، له‌ پله‌ی 15 ریزبه‌ندی كاڵچیۆدایه‌.

هه‌رچی یانه‌ی یوڤێنتوسه‌ له‌م وه‌رزه‌دا ئه‌نجامه‌كانی جێگیره‌، هه‌ر له‌ سه‌ره‌تاكانی خوله‌وه‌ پێشه‌نگی ریزبه‌ندی گرتۆته‌ ده‌ست، له‌ دوایین 10 یاری له‌ كاڵچیۆدا، 8 یاری بردۆته‌وه‌ و 2 یاریشی دۆڕاندووه‌.

خانمه‌ پیره‌كه‌ خاوه‌ن به‌هێزترین هێڵی به‌رگریه‌ كه‌ ته‌نها 16 گۆڵی لێ تۆمار كراوه‌، گۆڵكاری تیپه‌كه‌ش گۆنزالۆ هیگواینه‌ به‌ تۆماركردنی 16 گۆڵ، ئێستا یانه‌كه‌ 57 خاڵی كۆكردۆته‌وه‌ و له‌ پێشه‌نگی ریزبه‌ندی كاڵچیۆدایه‌.

یاری سێ یه‌م: لازیۆ و ئه‌ی سی میلان

49

یاریگا: ئۆڵه‌مپیكۆ تایبه‌ت به‌ یانه‌ی لازیۆ

ژماره‌ی كورسی: 82،000

به‌روار: 13/ 2/ 2017

كات: 10:45 خوله‌كی شه‌و به‌ كاتی هه‌رێمی كوردستان

ڕاهێنه‌ری لازیۆ: سیمۆنی ئینزاگی

پلانی یاریكردن: 4-3-3

ڕاهێنه‌ری میلان: ڤینچینزۆ مۆنتێلا

پلانی یاریكردن: 4-3-3

یانه‌ی لازیۆ له‌م وه‌رزه‌دا به‌ ڕاهێنه‌رایه‌تی سیمۆنی ئینزاگی ئاستێكی باش پێشكه‌ش ده‌كات، له‌ دوایین 10 یاری له‌ كاڵچیۆدا، له‌ 6 یاریدا براوه‌ بووه‌ و له‌ 4 یاریشدا دۆڕاوه‌.

یاریزانانی لازیۆ 41 گۆڵیان تۆماركردووه‌ و 27 گۆڵیشیان لی تۆماركراوه‌، گۆڵكاری تیپه‌كه‌ش چیرۆ ئیمۆبیلییه‌ به‌ تۆماركردنی 12 گۆڵ، ئێستا یانه‌كه‌ به‌ كۆكردنه‌وه‌ی 43 خاڵ، له‌ پله‌ی 4 ریزبه‌ندی كاڵچیۆدایه‌.

هه‌رچی یانه‌ی ئه‌ی سی میلانه‌، ده‌ستپێكێكی باشی هه‌بوو، جیاوازی نێوان خۆی و یوڤی پێشه‌نگی بۆ 2 خاڵ كه‌مكردبووه‌وه‌، به‌ڵام به‌هۆی پێكان و كه‌م ئه‌زموونی یاریزانانه‌وه‌، نه‌یتوانی له‌و ئاسته‌ باشه‌ی به‌رده‌وام بێت، رۆسۆنێری له‌ دوایین 10 یاری له‌ كاڵچیۆدا، 4 یاری بردۆته‌وه‌، له‌ 2 یاریدا دۆڕاوه‌ و له‌ 4 یاریشدا یه‌كسان.

یاریزانانی میلان 33 گۆڵیان تۆماركردووه‌ و 27 گۆڵیشیان لێ تۆماركراوه‌، گۆڵكاری تیپه‌كه‌ش كارلۆس باكایه‌ به‌ تۆماركردنی 8 گۆڵ، ئێستا یانه‌كه‌ به‌ كۆكردنه‌وه‌ی 40 خاڵ، له‌ پله‌ی 7 ریزبه‌ندی كاڵچیۆدایه‌.

Comments - کۆمێنتت چییە ؟

کۆمێنتت

شەیر بکە لەگەڵ هاوڕێیانت.

دەربارەی نووسەر

Leave A Reply