راپۆرت | ریاڵ مه‌درید چۆن ناسناوی ده‌وڵه‌مه‌ندترین یانه‌ی جیهانی له‌ده‌ستدا ؟

New-man-U-kit

یاریگا-له‌گه‌ڵ کۆتایی هاتنی ساڵی ٢٠١٦ و لێکدانه‌وه‌ی  ریزبه‌ندی پڕداهاتترین یانه‌کانی جیهان ، ریاڵ مه‌درید پله‌ی یه‌که‌می ریزبه‌ندییه‌که‌ی له‌ده‌ستدا پاش ١١ ساڵ مانه‌وه‌ له‌و پێگه‌یه‌دا.

له‌گه‌ڵ ئه‌وه‌ی مانچسته‌ریونایتد ساڵانێکه‌ دووره‌ له‌ رکابه‌ری راسته‌قینه‌ و به‌ده‌ستهێنانی ناسناوی گرنگ به‌ڵام توانی پێش دوو زه‌به‌لاحه‌که‌ی ئیسپانیا بکه‌وێت.

هۆکارێکی روون له‌ پشت دواکه‌وتنی ریاڵ مه‌دریده‌وه‌یه‌. ئه‌ویش دابه‌زینی رێژه‌ی قازانجه‌کانی نیه‌ به‌ به‌راورد به‌ ساڵانی رابردوو به‌ڵکو ئه‌وه‌یه‌ که‌ رێژه‌ی قازانجه‌کانی به‌شێوه‌یه‌کی که‌متر زیادی کردووه‌ به‌ به‌راورد به‌ شه‌یتانه‌ سووره‌کان.   مێره‌نگی به‌ رێژه‌ی ١٠.٦% داهاته‌ ئابوورییه‌کانی زیادی کردووه‌ و له‌ ساڵێکدا ٦٢٠ ملیۆن یۆرۆی کۆکردۆته‌وه‌ هه‌رچی مانچسته‌ره‌  به‌ رێژه‌ی ٣٢.٦% قازانجه‌کانی زیادی کردووه‌ و داهاتی ساڵێكی ٦٨٩ ملیۆن یۆرۆ بووه‌، ئه‌مه‌ش به‌ سوود وه‌رگرتن له‌ هاتنی مۆرینهۆ و ئیبراهیمۆڤیج و پۆگبا و مخیتاریان.

لێره‌دا به‌ ووردی به‌راوردی سێ پڕداهاتترین یانه‌ی تۆپی پێ ده‌که‌ین

رۆژی یاری

مه‌درید له‌ رۆژی یارییه‌کاندا  داهاتی  ١٢٩ ملیۆن یۆرۆ بووه‌ له‌ ماوه‌ی ٢٠١٦دا ، مه‌به‌ست له‌ داهاتی رۆژی یاری   بلیت و ریکلام و فرۆشتنی که‌ل و په‌ل و درێسه‌ له‌و رۆژانه‌ی یاری هه‌بووه‌.  ئه‌و بڕه‌ پاره‌یه‌ش به‌ رێژه‌ی ٠.٦% که‌می کردووه‌. و وه‌ داهاتی ١٢٩ ملیۆن یۆرۆکه‌ی  سێهه‌م زۆرترینه‌ دوای مانچسته‌ر و بارسێلۆنا.

 

په‌خشی یاری

له‌ رووی په‌خشی یارییه‌کاندا ریال زۆرترین داهاتی هه‌یه‌ له‌ جیهاندا  و له‌ ساڵێکدا ٢٢٧.٧ ملیۆن یۆرۆی کۆکردۆته‌وه‌ ئه‌مه‌ش به‌ رێژه‌ی ١٣.٩% زیادی کردووه‌.   له‌م هاوپۆله‌دا  بارسێلۆنا له‌ پله‌ی سێهه‌مه‌  به‌ ٢٠٢.٧ ملیۆن و مانچسته‌ر پله‌ی هه‌شته‌مه‌ به‌ ١٨٨ ملیۆن. ئه‌مه‌ش به‌هۆی ئه‌وه‌ی داهاتی یارییه‌کان به‌شێوه‌یه‌کی  یه‌کسانتر دابه‌شده‌کرێت له‌ خولی ئینگلیزی.

داهاتی ریکلام و سپۆنسه‌ر

له‌م هاوپۆله‌دا مانچسته‌ریونایتد ده‌ستی خۆی وه‌شاندووه‌ و داهاتی به‌ رێژه‌ی ٣٨% زیادی کردووه‌  به‌ ٣٦٣ ملیۆن یۆرۆ له‌ ساڵێکدا.  بارسا چواره‌مه‌ به‌ ٢٩٦ ملیۆن و  ریاڵ پێنجه‌مه‌  به‌ ٢٦٣ ملیۆن.

 

گرێبه‌ستی نایک له‌گه‌ڵ بارسێلۆنا و مان یونایتد 

بارسێلۆنا  گرێبه‌ستێکی ١٠ ساڵه‌ی له‌گه‌ڵ نایک واژۆکرد له‌ ٢٠١٦دا که‌ ساڵانه‌ ١٥٥ ملیۆن یۆرۆ وه‌رده‌گرێت جگه‌ له‌ زیاده‌ی دیکه‌. ئه‌مه‌ له‌ کاتێکدا گرێبه‌ستی پێشووی بله‌وگرانا له‌گه‌ڵ هه‌مان کۆمپانیا ته‌نیا ٦٥ ملیۆن یۆرۆ بوو. هه‌رچه‌نده‌ ئه‌م گرێبه‌سته‌ له‌ ساڵی داهاتووه‌وه‌ ده‌ست پێده‌کات به‌ڵام کاریگه‌ری له‌سه‌ر بازاڕی یانه‌که‌ هه‌بوو له‌ ٢٠١٦دا.

مان یونایتدیش مێگاگرێبه‌ستی خۆی هه‌بوو له‌و ساڵه‌دا  و له‌گه‌ڵ نایک رێککه‌وتن که‌ ساڵانه‌ ١٠٠ ملیۆن یۆرۆ وه‌ربگرێت.

مه‌درید له‌م رووه‌وه‌ زۆر له‌دوایه‌ و ئه‌و گرێبه‌سته‌ی له‌ ٢٠١٢ له‌گه‌ڵ ئه‌دیداس واژۆیان کرد ساڵانه‌ ته‌نیا  ٤٠ ملیۆن یۆرۆ داهاتییه‌تی.نایک ئاماده‌ی نیشاندا  گرێبه‌ستێکی زه‌به‌لاحیش له‌گه‌ڵ قه‌ڵای سپی واژۆبکات به‌ڵام ئه‌رکی مه‌درید بۆ هه‌ڵوه‌شاندنه‌وه‌ی گرێبه‌ستی ئێستایان له‌گه‌ڵ ئه‌دیداس ئاسان نابێت.

 

 

شەیر بکە لەگەڵ هاوڕێیانت.

دەربارەی نووسەر

سەرنووسەری ماڵپەری یاریگا

Leave A Reply