6 یاریزانی لاو له‌ ساڵی (2016) له‌ ئاسمانی كاڵچیۆدا دره‌وشانه‌وه‌

92

یاریگا – پاش كۆتایی هاتنی ساڵی 2016، كۆمه‌ڵێك یاریزانی لاو له‌ خولی ئیتاڵی دره‌وشانه‌وه‌، له‌م ساڵه‌دا ئاستێكی سه‌رنج ڕاكێشیان له‌گه‌ڵ یانه‌كانیان پێشكه‌ش كرد، به‌شێوه‌یه‌ك جێی خۆیان له‌ نێو دڵی هه‌واداران كۆكرده‌وه‌، به‌دڵنیاییه‌وه‌ له‌ داهاتوویه‌كی نزیكدا له‌ باشترین یاریزانه‌كان ده‌ین، ئه‌م به‌هره‌دارانه‌ كێبه‌ركێكانی خولی ئیتاڵییان گه‌رمتر و به‌چێژتر كردووه‌.

ماوه‌یه‌كی زۆره‌ یانه‌ ئیتاڵییه‌كان دوورن له‌ به‌ده‌ستهێنانی ناسناوه‌كانی ئه‌وروپا (چامپیۆنس لیگ و یۆرۆپا لیگ)، به‌شێوه‌یه‌ك له‌ 20 ساڵی ڕابردوودا، ته‌نها 3 جار چامپێۆنس لیگیان به‌ده‌ست هێناوه‌، (میلان 2003، میلان 2007، ئینته‌ر 2010)، ئه‌مه‌ له‌ كاتێكدایه‌ یانه‌ ئیتاڵییه‌كان له‌ نێوان ساڵانی 1980 بۆ 1996 ده‌ستیان گرتبووه‌ سه‌ر ناسناوه‌كانی (چامپیۆنس لیگ و یۆرۆپا لیگ). هه‌وادارانی خولی ئیتاڵی هیوادارن ئه‌م به‌هره‌دارانه‌ هاوشێوه‌ی پۆگبا و ڤیداڵ و ئه‌وانی تر، خولی ئیتاڵی به‌جێ نه‌هێلن و كاڵچیۆ بگه‌ڕێننه‌وه‌ بۆ ئه‌و سه‌رده‌مه‌ی كه‌ به‌ به‌هه‌شتی تۆپی پێ ناسراو بوو.

به‌شی وه‌رزشی ماڵپه‌ڕێ (العربیة الجديد)، 6 یاریزانی به‌ باشترینی یاریزانی لاوی خولی ئتاڵی له‌ ساڵی 2016 ده‌ستنیشان كردووه‌، یاریزانه‌كانیش ئه‌مانه‌ن:-

1- جیانلویجی دۆنارۆما (ئه‌ی سی میلان)

93

دۆنارۆما ئێستا ته‌مه‌نی 17 ساڵه‌ و به‌ شوێنگره‌وه‌ی جیانلویجی بوفۆنی ئه‌فسانه‌ داده‌نرێت.

2- فرانك كیسی (ئه‌ته‌لانتا)

94

ئێستا (فرانك كیسی) ته‌مه‌نی 20 ساڵه‌، خه‌ڵكی وڵاتی كۆت دیڤواره‌، له‌ ناوه‌ندی یاریگا یاری ده‌كات.

3- مانویڵ لۆكاتێلی (ئه‌ی سی میلان)

95

ئێستا (مانوێل لۆكاتێلی) ته‌مه‌نی 18 ساڵه‌، خه‌ڵكی ئیتاڵیایه‌، له‌ ناوه‌ندی یاریگا یاری ده‌كات.

4- پۆل لیرۆلا (ساسۆلۆ)

96

ئێستا (پۆل لیرۆلا) ته‌مه‌نی 19 ساڵه‌، یاریزانێكی ئیسپانییه‌، یاریزانی تاكی ڕاستی به‌رگرییه‌، له‌م وه‌رزه‌دا له‌ یانه‌ی یوڤێنتوسه‌وه‌ به‌ شێوه‌ی خواستن ڕووی كردۆته‌ یانه‌ی ساسۆلۆ، زۆربه‌ی شیكه‌ره‌وانی خولی ئیتاڵی به‌ باشترین جێگره‌وه‌ی سنیفان لیشنشتایگه‌ر و دانی ئه‌لڤێزی داده‌نێن.

5- فیدریكۆ كییه‌یزا (فیۆره‌نتینا)

97

فیدریكۆ كییه‌یزا كوڕی ئینریكۆ كێیه‌یزای یاریزانی پێشووی هه‌ڵبژارده‌ی ئیتاڵیایه‌، ته‌مه‌نی 19 ساڵه‌، یاریزانێكی هێرشبه‌ره‌ و چاوه‌ڕوانی داهاتوویه‌كی گه‌شی لێ ده‌كرێت.

6- پیدرۆ پێرێرا (سامپدۆریا)

98

پیدرۆ پێرێرای پورتوگالی، ته‌مه‌نی 18 ساڵه‌، یاریزانی تاكی ڕاستی به‌رگرییه‌، به‌هۆی ئه‌و ئاسته‌ به‌رزه‌ی پێشكه‌شی ده‌كات، بۆته‌ جێگای بایه‌خی چه‌ندین یانه‌ی ناوداری ئیتاڵیا و ئه‌وروپا.

Comments - کۆمێنتت چییە ؟

کۆمێنتت

شەیر بکە لەگەڵ هاوڕێیانت.

دەربارەی نووسەر

Leave A Reply