کریستیانۆ : میسی تائێستا پیرۆزبایی لی نه‌کردووم !

imageیاریگا- دوای ئه‌وه‌ی شه‌وی ڕابردوو کریستیانۆ ڕۆناڵدۆ خه‌ڵاتی باشترین یاریزانی ساڵی ٢٠١٦ ی وه‌رگرت له‌لایه‌ن فیفاوه‌ دیمانه‌یه‌کی تایبه‌تی ئه‌نجامدا که‌ تێێیدا باس له‌ په‌یوه‌ندی نێوان خۆی و میسی ده‌کات .

کریستیانۆ سه‌باره‌ت به‌ ئاماده‌نه‌بونی میسی له‌ ئاهه‌نگه‌که‌دا وتی : ده‌زانم که‌ یاریه‌کی گرنگیان هه‌یه‌ ڕۆژی چوارشه‌ممه‌ به‌ڵام پێم خۆش بوو ئاماده‌بێت ، وه‌کو خۆم هه‌میشه‌ هه‌وڵمداوه‌ ئاماده‌ی ئاهه‌نگه‌کان بم که‌ تێیدا پاڵێوراو بووم .

له‌ وه‌ڵامی پرسیارێکدا که‌ ئایا میسی پێرۆزبایی لێ کردووه‌ ڕۆناڵدۆ وتی : نه‌خێر هیچ نامه‌یه‌کی پیرۆزبایم له‌ میسیه‌وه‌ پێ نه‌گه‌شتووه‌ چونکه‌ ژماره‌ی مۆبایله‌که‌یم لانیه‌ ( به‌ پێکه‌نینه‌وه‌ ) ، کریستیانۆ به‌رده‌وام بوو له‌ قسه‌کردن و وتی : من هه‌میشه‌ پیرۆزبایم له‌ میسی کردووه‌ کاتێک خه‌ڵاتێکی به‌ده‌ست هێناوه‌ به‌ڵام ڕه‌نگه‌ قورس بێت پیرۆزبایکردن کاتێک ئاماده‌ی ئاهه‌نگه‌که‌ نه‌بووبیت .

سه‌باره‌ت به‌ گریزمان کریستیانۆ وتی : لێره‌وه‌ ده‌مه‌وێت پیرۆزبایی له‌ گریزمان بکه‌م که‌ توانیویه‌تی بگات به‌و ئاسته‌ به‌رزه‌ ، ئه‌ویش شایانی خه‌ڵاتکردن بوو بۆ ئه‌و ئاسته‌ی که‌ له‌ ٢٠١٦ پێشکه‌شی کرد .

شەیر بکە لەگەڵ هاوڕێیانت.

دەربارەی نووسەر

Leave A Reply