زانیاری ته‌واو له‌سه‌ر ئاهه‌نگه‌که‌ی ئێواره‌ی ئه‌مڕۆی فیفا بۆ دیاریکردنی باشترینه‌کان

Fifa best award

یاریگا-وابڕیاره‌ ئه‌مشه‌و مه‌راسیمێکی تایبه‌ت بۆ دیاریکردنی باشترینه‌کانی ساڵی ٢٠١٦ له‌ زیورخ به‌ڕێوه‌بچێت.

بۆنه‌که‌ی فیفا یه‌که‌م جاره‌ ئه‌نجام بدرێت به‌ شێوازه‌ تازه‌که‌ی و دوای جیابوونه‌وه‌ له‌ خه‌ڵاتی فرانس فوتبۆڵ. لێره‌دا زانیاری ته‌واو له‌سه‌ری ده‌خه‌ینه‌ ڕوو

 

که‌ی و له‌کوێ ئه‌نجام ده‌درێت؟

ئه‌مشه‌و ٩-١-٢٠١٧  کاتژمێر ٨:٣٠ ( به‌ کاتی کوردستان) ،    له‌ ستۆدیۆی ته‌کنه‌لۆژیا و به‌رهه‌مهێنان له‌ شاری زیورخی وڵاتی سویسرا به‌ڕێوه‌ده‌چێت.

خه‌ڵاته‌کان چین و کاندیده‌کان کێن ؟

  • خه‌ڵاتی باشترین یاریزانی ساڵی پیاوان ( کاندیده‌کان :  کریستیانۆ رۆناڵدۆ ، لیۆنێل مێسی ، ئه‌نتوان گریزمان)
  • خه‌ڵاتی باشترین یاریزانی ساڵی ئافره‌تان ( کاندیده‌کان : مێلانی بێهرینگه‌ر ، کارلی لۆید ، مارتا)
  • خه‌ڵاتی باشترین راهێنه‌ری ساڵی پیاوان ( کاندیده‌کان : کلاودیۆ رانیێری ، فێرناندۆ سانتۆس ، زینه‌دین زیدان)
  • خه‌ڵاتی باشترین راهێنه‌ری ساڵی ئافره‌تان ( کاندیده‌کان : جیل ئێلیس ، سیڤلیا نێید ، پیا سونداگی)
  • خه‌ڵاتی پوشکاش بۆ جوانترین گۆڵی ساڵ ( کاندیده‌کان : مارلۆنی ، دانیوسکا رۆدریگێز ، مۆهد فایز سه‌بڕی)
  • خه‌ڵاتی فیفا بۆ یاری خاوێن
  • خه‌ڵاتی فیفا بۆ هانده‌رانی نمونه‌یی ( کاندیده‌کان : هانده‌رانی یانه‌ی ئه‌دۆ دین هاگ سوپ  ، هانده‌رانی  بۆروسیا دۆرتمۆند ، هانده‌رانی لیڤه‌رپوول ، هانده‌رانی هه‌ڵبژارده‌ی ئایسله‌ندا)
  • دیاریکردنی پێکهاته‌ی نمونه‌یی ساڵ

 

کێ ده‌نگیداوه‌ بۆ دیاریکردنی براوه‌کان ؟

بۆ خه‌ڵاته‌کانی بآشترین یاریزان ، راهێنه‌ری پیاوان و ئافره‌تان ، رێژه‌ی ٥٠%ی ده‌نگه‌کان له‌لایه‌ن کاپتن و راهێنه‌ری هه‌ڵبژارده‌کانی ئه‌ندام له‌ فیفا بووه‌ (٢٥% کاپتن ، ٢٥% راهێنه‌ر).   وه‌ ٢٥% له‌ رێگای ده‌نگدانی هانده‌ران بووه‌ به‌شێوه‌ی ئۆنڵاین و کۆتا ٢٥%یش  بۆ رۆژنامه‌نووسانه‌ ( له‌ هه‌ر وڵاتێک یه‌ک رۆژنامه‌نووس).  بۆ خه‌ڵاتی فیفای یاری خاوێن و جوانترین گۆڵی ساڵ رێژه‌ی ١٠٠%  له‌سه‌ر ده‌نگدانی ئۆنڵاینی هانده‌رانه‌ له‌ ماڵپه‌ری فیفا. ده‌نگدان بۆ جوانترین گۆڵ تا پێش راگه‌یاندنی ئه‌نجامی کۆتایی له‌ ماڵپه‌ری فیفا به‌رده‌وامه‌.

بۆ پێکهاته‌ی نمونه‌یی ساڵ ، به‌پێی ئاستی یاریزانه‌که‌ ده‌بێت له‌ ١-١٢-٢٠١٥ تاوه‌کو ٢٨-١١-٢٠١٦  . ده‌نگدانه‌که‌ش له‌لایه‌ن فیفپرۆ رێکخراوه‌ و ٤٥ هه‌زار یاریزانی پیشه‌گه‌ر  ده‌نگیان بۆ داوه‌.

 

خه‌ڵاته‌کان له‌ چی دروستکراوه‌کان ؟

خه‌ڵاته‌کان  به‌ شێواز و ستایلێکی نوێن و له‌ ماده‌ی پلاتینیۆم دروستکراون ، شێوه‌یه‌کی  ناسناوی جامی جیهانی له‌خۆگرتووه‌ به‌ کۆمه‌لێک گۆڕانکارییه‌وه‌ بۆ باشترین یاریزانه‌کان. خه‌ڵاته‌کانی دیکه‌ش به‌هه‌مان شێوه‌ پلاتینیۆمن به‌ڵام به‌ دیزاینی جیاواز.

 

له‌کوێ ده‌توانیت بینه‌ری بۆنه‌که‌ بیت ؟

یاریگانێت له‌ په‌خشی راسته‌وخۆی خۆی و له‌ په‌ڕه‌ فه‌رمییه‌کانی له‌ تۆڕه‌ کۆمه‌ڵایه‌تییه‌کان رووماڵی بۆنه‌که‌ ده‌کات.  جگه‌ له‌وه‌ ئه‌کاونتی فه‌رمی فیفا له‌ یوتیوب و ماڵپه‌ری فه‌رمی فیفا راسته‌وخۆ ده‌یگوازنه‌وه‌.

 

 

 

Comments - کۆمێنتت چییە ؟

کۆمێنتت

شەیر بکە لەگەڵ هاوڕێیانت.

دەربارەی نووسەر

سەرنووسەری ماڵپەری یاریگا

Leave A Reply