ئه‌تله‌تیك بلباو X به‌رشه‌لۆنه‌ … ئاماره‌كانی پێش یاریه‌كه‌

45

یاریگا – كاتژمێر (11:15) ئه‌مشه‌و به‌ كاتی هه‌رێمی كوردستان، یانه‌ی ئه‌تله‌تیك بلباو له‌ یاری چوونی قۆناغی 16 جامی شای ئیسپانیا، له‌ نێو یاریگای (سان مامێس)ی تایبه‌ت به‌ خۆی، میوانداری یانه‌ی به‌رشه‌لۆنه‌ ده‌كات، ئه‌م یاریه‌ به‌ یاری كۆتایی پێش وه‌خته‌ هه‌ژمار ده‌كرێت، ئێمه‌ش له‌ ماڵپه‌ڕی یاریگا، چه‌ند ئامارێكی گرنگی پێش ڕووبه‌ڕووبوونه‌وه‌كه‌یان بڵاو ده‌كه‌ینه‌وه‌:-

1- ئه‌تله‌تیك بلباو له‌ دوایین چوار یاری له‌ به‌رامبه‌ر به‌رشه‌لۆنه‌ له‌ نێو یاریگای خۆیدا، هیچ یاریه‌كی نه‌بردۆته‌وه‌، له‌ 3 یاریدا دۆڕاوه‌ و له‌ یاریه‌كیشدا یه‌كسان بووه‌.

2- دوایین بردنه‌وه‌ی ئه‌تله‌تیك بلباو له‌ نێو یاریگای خۆی له‌ به‌رشه‌لۆنه‌، ده‌گه‌ڕێته‌وه‌ بۆ مانگی (8/ 2015)، كه‌ به‌ ئه‌نجامی 4-0 له‌ یاری چوونی كۆتایی جامی سۆپه‌ری ئیسپانی یاریه‌كه‌ی برده‌وه‌.

3- ئاماری دوایین 58 یاری نێوانیان: ئه‌تله‌تیك بلباو 8 بردنه‌وه‌، به‌رشه‌لۆنه‌ 38 بردنه‌وه‌، له‌ 12 یاریشدا یه‌كسان بوون.

4- به‌رشه‌لۆنه‌ له‌ دوایین 11 یاریدا له‌ هه‌ردوو (خولی ئیسپانی و جامی شا)دا شكستی نه‌هێناوه‌، له‌ 6 یاریدا براوه‌ بووه‌ و له‌ 5 یاریشدا یه‌كسان.

5- به‌رشه‌لۆنه‌ له‌ دوایین 6 یاری له‌گه‌ڵ ئه‌تله‌تیك بلباو له‌ سه‌رجه‌م پاڵه‌وانێتیه‌كاندا، 14 گۆڵی له‌ ئه‌تله‌تیك بلباو تۆمار كردووه‌.

6- به‌رشه‌لۆنه‌ له‌ دوایین 7 یاری له‌گه‌ڵ ئه‌تله‌تیك بلباو له‌ جامی شای ئیسپانیا نه‌دۆڕاوه‌، 5 بردنه‌وه‌ و 2 یه‌كسان بوونی تۆمار كردووه‌.

7- نه‌یمار گۆڵكاری به‌رشه‌لۆنه‌یه‌ له‌ به‌رامبه‌ر ئه‌تله‌تیك بلباو له‌ دوایین 4 یاری نێوانیاندا، ئه‌ستێره‌ به‌رازیلییه‌كه‌ 3 گۆڵی تۆمار كردووه‌ و 2 گۆڵیشی بۆ هاوڕێكانی دروست كردووه‌.

8- له‌ دوایین 7 یاری له‌ سه‌رجه‌م پاڵه‌وانێتیه‌كاندا، ئه‌تله‌تیكۆ بلباو ته‌نها له‌ 2 یاریدا توانیویه‌تی تۆڕی گۆڵه‌كه‌ی به‌ خاوێنی ڕابگرێت.

شەیر بکە لەگەڵ هاوڕێیانت.

دەربارەی نووسەر

Leave A Reply