كاروان شاره‌وانی هیوادارم رۆناڵدۆ دوو گۆڵ بكات

کاروان شارەوانی

کاروان شارەوانی

یاریگا
توانا شێخانی

كاروان شاره‌وانی، هونه‌رمه‌ندی میللی، پێشبینی خۆی بۆ یاریی نێوان یانه‌ی ریال مه‌درید و بارسێلۆنا ئاشكرا ده‌كات و ده‌شڵێ “رۆناڵدۆ ده‌بێته‌ پاڵه‌وانی یارییه‌كه‌”.

كاروان شاره‌وانی، هونه‌رمه‌ندی میللی، له‌باره‌ی یاریی كلاسیكۆی نێوان ریال مه‌درید و بارسێلۆنا، به‌ (یاریگا نێت)ـی راگه‌یاند: “هانده‌رێكی سه‌رسه‌ختی یانه‌ی ریال مه‌دریدم و چه‌ندین جاریش له‌ ئاهه‌نگه‌كانم گۆرانیم به‌سه‌ر یاریزانانی ئه‌و یانه‌دا گوتووه‌، بۆیه‌ پڕ به‌دڵ حه‌زده‌كه‌م ڕیال براوه‌ی یاری كلاسیكۆی ئه‌مجاره‌بێت”.

شاره‌وانی، له‌باره‌ی پێشبینی خۆی بۆ یارییه‌كه‌ گوتی “پێشبینی ده‌كه‌م ریال به‌ دوو گۆڵ به‌رامبه‌ر گۆڵێك یارییه‌كه‌ له‌ به‌رژه‌وه‌ندی خۆی كۆتایی پێ بێنێت، گۆڵه‌كانیش رۆنالدۆ تۆماری ده‌كات”.

هه‌روه‌ها گوتیشی “به‌ده‌ر له‌ ئه‌نجامی یارییه‌كه‌، هیوادارم یارییه‌كی پڕ چێژ ببنین، هه‌ردوو ئه‌ستێره‌ جیهانیه‌كه‌ ئاستی راسته‌قینه‌ی خۆیان پیشان بده‌ن و به‌ جوڵه‌كانیان دڵخۆشمان بكه‌ن، به‌ تایبه‌ت رۆناڵدۆ پێموایه‌ مێژوویه‌كی نوێ بۆ خۆی تۆمار ده‌كات”.

ئه‌و هونه‌رمه‌نده‌ تاوه‌كو ئێستا پلانی بۆ سه‌یركردنی یارییه‌كه‌ دانه‌ناوه‌، به‌ڵام ده‌شڵێ “ئه‌گه‌ر له‌ ئاهه‌نگ و دانیشتنی تایبه‌ت نه‌بم، ئه‌وا به‌ دڵنیاییه‌وه‌ به‌شێوه‌ی كۆمه‌ڵ له‌گه‌ڵ هاوڕێكانم بینه‌ری یارییه‌كه‌ ده‌بم”.

ئاشكرایه‌ كه‌ ئێواره‌ی رۆژی شه‌ممه‌ی داهاتوو 3_12_2016، كاتژمێر 6:15 خوله‌ك به‌ كاتی هه‌رێمی كوردستان، یاری هه‌ردوو یانه‌ی ریال مه‌درید و بارسیلۆنا له‌ نێو یاریگای (كامپ نو)ـی یانه‌ی بارسیلۆنا به‌ڕێوه‌ده‌چێت، ئه‌و یارییه‌ به‌ دێرین ترین و پڕبینه‌رترین یاری كلاسیكۆ داده‌نرێت له‌ جیهاندا، بۆیه‌ به‌ كلاسیكۆی زه‌وی ناوزه‌ند ده‌كرێت.

کۆمێنتی تۆ؟
شەیر بکە لەگەڵ هاوڕێیانت.

دەربارەی نووسەر

Leave A Reply