ئاماره‌کانی MSN له‌ دووهه‌م ساڵیادی یه‌که‌م یارییان پێکه‌وه‌

مێسی.نێیمار،سوارێز

یاریگا-شه‌وی رابردوو  هاوتای تێپه‌ڕبوونی دوو ساڵ بوو به‌سه‌ر یه‌که‌م یاری   مێسی و سوارێز و نێیمار  ناسراو به‌ MSN.

له‌ شه‌وی شه‌ممه‌ی ٢٥-١٠-٢٠١٤ دا ، لویس سوارێز پاش ته‌واوبوونی سزای سڕکردنه‌که‌ی  گه‌ڕایه‌وه‌ یاریگاکان و له‌ پاڵ مێسی و نێیمار خۆی بینییه‌وه‌. له‌ یه‌که‌م یارییاندا   توشی شکست هاتن به‌رامبه‌ر رۆناڵدۆ و به‌یڵ و به‌نزیمه‌ له‌ کلاسیکۆ.  به‌ڵام دوای ئه‌وه‌ بوونه‌ سیانه‌یه‌ک که‌ ئه‌مڕۆ  ئه‌گه‌ر باشترین و تۆقێنه‌رترین نه‌بن به‌دڵنیاییه‌وه‌ له‌ باشترینه‌کانی مێژوون.

لێره‌دا چه‌ند ئامارێک له‌سه‌ر MSN بڵاوده‌که‌ینه‌وه‌

٢٦٤:  ژماره‌ی گۆڵه‌کانیانه‌ له‌ ماوه‌ی ئه‌م دوو ساڵه‌دا

٧١.٩% :  رێژه‌ی گۆڵه‌کانی MSN ـه‌ به‌رامبه‌ر به‌ سه‌رجه‌م گۆڵه‌کانی بارسا (٣٦٧)

٢: ته‌نها دوو یانه‌ له‌ سه‌رجه‌م ئه‌ورووپا توانیویانه‌ له‌ MSN گۆڵ زیاتر تۆماربکه‌ن . ریاڵ مه‌درید (٢٩٦گۆڵ) ، پاریس سان جێرمان (٢٧٠ گۆڵ).

٧٥: ژماره‌ی ئه‌و یارییانه‌ی له‌ سه‌ره‌تاوه‌ هه‌رسێکیان به‌شداربوون ، له‌و ژماره‌یه‌ بارسا ته‌نها ٨ یاری دۆڕاندووه‌.

٤٨ : ژماره‌ی ئاسیسته‌کانی لویس سوارێزه‌ . له‌و ژماره‌یه‌ ٣٩ی بۆ مێسی  و نێیمار بووه‌

١٤٧ : MSN  توانیویانه‌ ١٤٧ گۆڵ له‌ لالیگا تۆماربکه‌ن  به‌ رێژه‌ی ٤٧%ی سه‌رجه‌م گۆڵه‌کانی ئه‌و یانه‌یه‌

٨١.٣% : له‌و ٧٥ یاریه‌ی  ئه‌و سیانه‌ له‌ پێکهاته‌ی سه‌ره‌کیدابوون ، بارسا ٦١ی بردۆته‌وه‌ به‌ رێژه‌ی ٨١.٣%ی سه‌رجه‌م یارییه‌کان. رێژه‌که‌  ٧٤% ئه‌گه‌ر هه‌رسێکیان له‌ پێکهاته‌ی سه‌ره‌کیدا نه‌بووبن.

٣٤٣ : ژماره‌ی ئه‌و فاوڵانه‌یه‌ له‌ نێیمار گیراوه‌ له‌وه‌ته‌ی MSN پێکه‌وه‌ن.  ١٠٤ی فاوڵی زیاتره‌ له‌ هه‌ر یاریزانێکی دیکه‌ی لالیگا.

١٠٤ : مێسی به‌شداری له‌ ١٠٤ گۆڵدا کردووه‌ له‌وکاته‌وه‌ . به‌رێژه‌ی ٤١.٥%ی سه‌رجه‌م گۆڵه‌کانی بارسا   به‌ هاوکاری مێسی بووه‌.

٨٣.٣ : له‌ دوو ساڵ پێش ئێستاوه‌  بارسا ٦٠ گۆڵی له‌ چامپیۆنزلیگ تۆمارکردووه‌ ، له‌و ژماره‌یه‌دا ٥٠ی له‌لایه‌ن MSN ـه‌وه‌ بووه‌ ، واته‌ به‌ رێژه‌ی ٨٣.٣%

١٢٩ : له‌گه‌ڵ ئه‌وه‌ی هێرشبه‌رن به‌ڵام MSN توانیویانه‌ ١٢٩ ئاسیست بکه‌ن به‌ رێژه‌ی ٤٧.٦%ی سه‌رجه‌م ئاسیسته‌کانی یانه‌که‌ له‌م دوو ساڵه‌دا.

 

کۆمێنتی تۆ؟
شەیر بکە لەگەڵ هاوڕێیانت.

دەربارەی نووسەر

سەرنووسەری ماڵپەری یاریگا

Leave A Reply