تۆپی پێ ، له‌نێـــوان هه‌ر دوو چــه‌مکی ” ئـاڵــۆز _ سـاده‌ ” دا … !

36رۆژنامه‌نووسی وه‌رزشی: به‌رهه‌م جه‌لال

نوسینی : بـه‌رهـه‌م جـلال

تۆپی پێ کردارێکی داینه‌میکیه‌ به‌رده‌وام له‌گۆڕانکاریدایه‌ له‌سه‌رجه‌م ڕوه‌کانه‌وه‌، هه‌موو جۆره‌ ئه‌گه‌رێک ته‌واو چاوه‌ڕوانکراو و کرایه‌وه‌یه‌ له‌م وه‌رزشه‌دا، به‌ڵام ده‌توانرێت تێكڕای کایه‌که‌ له‌م دووچه‌مکه‌ی ” ئاڵۆز _ ساده‌ ” کورت بکه‌یته‌وه‌ و ڕاڤه‌ی بکه‌یت.

با به‌شێوازێکی ساده‌ بچینه‌ نێو چه‌مکه‌کانه‌وه‌، کاتێک بینه‌ری یاریه‌ک، خوولێک ده‌بیت، هه‌ندێک پرسیار دێت و ده‌چێت له‌فکری هه‌ر یه‌کێکمان، بێ گوومان ئه‌م پرسیارانه‌ش به‌ده‌ر نییه‌‌ له‌وه‌ی یان وه‌ڵامه‌که‌ی ساده‌یه‌ یاخوود ئاڵۆزه‌، بۆ نموونه‌ : ئه‌م یانه‌ ده‌بێته‌ پاڵه‌وان؟ دڵنییام یه‌که‌م یاری ده‌کرێته‌وه‌ ده‌ره‌وه‌ی پاڵه‌وانێتێکه‌! باشه‌ چۆن توانای هه‌یه‌ ئه‌و خووله‌ ببات؟ پێشبینی ئه‌وه‌م نه‌کرد تیمێکی به‌مجۆره‌ بێت! ئه‌نجامی یاریه‌کان یان بردنی نازناوه‌کان گه‌واهیده‌رن، چه‌مکه‌کان ساده‌ ، ئاڵۆزه‌ … دواجار ده‌تخاته‌ گۆشه‌یه‌که‌وه‌ به‌ئاسانی توانای هه‌زمکردنی چه‌مکه‌کانت نییه‌، بۆچی گه‌شته‌ ئه‌م دۆخه‌ ، تێ بفکره‌ یانه‌یه‌ک ئاستی زۆر به‌رزه‌ ڕووبه‌ڕوی یانه‌یه‌کی ته‌واو ئاست لاواز ده‌بێته‌وه‌، خوودی یاریزانی یانه‌ ئاست لاوازه‌که‌ پێشبینی ده‌که‌ن بدۆڕێن، تا ئێره‌ چه‌مکه‌که‌ ته‌واو ” ساده‌یه‌ ” ، دواتر ده‌بینین یانه‌ ئاست لاوازه‌که‌ ئه‌نجامه‌که‌ له‌به‌رژه‌وه‌ندی خۆی به‌کۆتا ده‌هێنێت و چه‌مکه‌که‌ ده‌کاته‌ چه‌مکێکی ئاڵۆز .. چۆن بردیه‌وه‌ ! چهانس بوو ؟ بۆچی وا به‌هێز بوون ؟ پێوه‌ره‌کان ڕاست نین ؟ تۆپی پێ جێگایه‌کی نییه‌ بۆ لۆژیک؟ دواتر چه‌مکه‌که‌ پێچه‌وانه‌ ده‌گۆڕێته‌وه‌ له‌ ئاڵۆزه‌وه‌ بۆ ساده‌، چوونکه‌ تێكڕای فکره‌کان گوزارشت بۆ ئه‌وه‌ ده‌که‌ن یانه‌ ئاست به‌هێزه‌که‌ ڕوبه‌ڕوی ئاسته‌نگی ڕاسته‌ ده‌بێته‌وه‌ ! به‌ڵام ئاستێک پێشکه‌ش ده‌کات که‌س بوێری ئه‌وه‌ی نه‌بوو پێشبینیه‌کی له‌م چه‌شنه‌ بکات … دواتر به‌ر ئه‌م پرسیارانه‌ ده‌که‌یت ، بۆ یاری پێشتر ئه‌م ئاسته‌یان پێشکه‌ش نه‌کرد ؟ بۆ پێوه‌ره‌کان ئه‌مجاره‌ وه‌ ڕاست گه‌ڕان ؟ گه‌ر چهانس بوونی هه‌یه‌ ! بۆ یاری پێشتر یاوه‌ری نه‌کردن بۆ سه‌رکه‌وتن ! ئایا ڕاسته‌ بارودۆخی هیچ جۆره‌ دوو یاره‌یه‌ک وه‌ک یه‌کدی نین ؟ ئه‌ی ، بۆ یانه‌ هه‌یه‌ زنجیره‌یه‌کی یه‌ک له‌ دوای یه‌ک بێ شکست ده‌باته‌وه‌ ؟ له‌ نێوان کام چه‌مکه‌یان شوێنی ده‌بێته‌وه‌ … !

با ” لیسته‌ر سیستی ” به‌نموونه‌ وه‌ربگرین ، لیسته‌ر له‌و جۆره‌ یانه‌یه‌ له‌ناو بازنه‌ی ” ساده‌ _ ئاڵۆز ” ده‌سوڕێته‌وه‌ وه‌رزی ڕابردوو تێكڕای تووشی شۆک کرد هێنده‌ی دیکه‌ تۆپی پێی به‌ره‌و ئاڵۆزی برد ، ڕاسته‌ کۆمه‌ڵێک هۆکاری بنه‌ڕه‌ت هه‌بوو تا ببێته‌ پاڵه‌وان ؟ به‌ڵام ئه‌گه‌ر سیناریۆکان دووباره‌ ببێته‌وه‌ جارێکی دیکه‌ لیسته‌ر ده‌توانێت ببێته‌وه‌ پاڵه‌وان ؟ یانه‌ی ” ئه‌له‌تیکۆ مه‌درید ” کاراکته‌رێکی دیکه‌یه‌ له‌م شانۆدایه‌ ، سیمیۆنی ئه‌تله‌تیکۆی له‌ یانه‌یه‌کی ساده‌ کرده‌ یانه‌یه‌کی ئاڵۆز ، سنوری بۆ پاوه‌ندخوازی دوو زلهێزه‌که‌ی ئیسپانیا دانا ، ئایا سیمۆنی له‌ئه‌گه‌ر ڕۆشتنی له‌ یانه‌ی دووه‌می مه‌درید ده‌توان سیناریۆکه‌ به‌هه‌مان تام و بۆ ئاماده‌بکات … خاڵێک ته‌واو جێگای سه‌رنجه‌ ئه‌ویش برتییه‌ له‌وه‌ چه‌مکی ” ساده‌ مه‌رجه‌ هه‌ر ساده‌ بێت نه‌گۆڕێت بۆ ئاڵۆز ، یان به‌پێچه‌وانه‌وه‌ ئاڵۆز بگۆڕێت بۆ ساده‌ ” گه‌ر وایه‌ بۆچی هه‌میشه‌ یانه‌ ، هه‌ڵبژارده‌ زه‌به‌لاحه‌کان ده‌پاڵێورێن بۆ بوون به‌ پاڵه‌وان دواتر پێچه‌وانه‌ ده‌رده‌چێت ووشه‌ی ” چهانس ” له‌کام چه‌مکه‌یاندا جێگای ده‌بێته‌وه‌ ، چانسی تیمه‌ بچووکه‌کان یه‌کسانه‌ به‌ تیمه‌ به‌هێزه‌کان ؟ گه‌ر یه‌کسان نییه‌ بۆچی به‌لایه‌کدا داده‌تاشرێت ؟ ئه‌مه‌ش تۆپی پێ زیاتر و زیاتر ئاڵۆز ناکات ؟ خاڵێکی دیکه‌ که‌زۆرینه‌ی جاران ته‌واو لێڵ و ته‌ڵخه‌ ئه‌ویش بریتیه‌ له‌ ” تاکتیک ” تێكڕای ڕاهێنه‌ران له‌و خاڵه‌دا هاوڕان ئه‌وه‌ی له‌سه‌ر په‌ڕاوی سپی باس ده‌کرێت : له‌ لاکێشه‌ سه‌وزه‌که‌ جیاوازه‌، که‌واته‌ بۆچی له‌ئێستادا تۆپی پێ ڕۆژ دوای ڕۆژ زیاتر ڕوو له‌ تاکتیک ده‌که‌ن، له‌کاتێکدا زۆرینه‌ی ڕاهێنه‌ران ته‌نها گه‌شتن به‌ئامانجیان به‌لاوه‌ گرنگه‌ !!

چه‌ندێکی دیکه‌ ده‌رباره‌ی ئه‌م دوو چه‌مکه‌ هه‌ڵوێسته‌ بکه‌ین زیاتر هه‌ڵده‌گرێت، چوونکه‌ ساده‌ و ئاڵۆزی له‌ تۆپی پێدا دووانه‌یه‌کی ” هاوته‌ریبن ” کاتێک ده‌رباره‌ی دانه‌یه‌کیان ده‌دوێی، ڕاسته‌وخۆ به‌ر ئه‌وه‌ی دیکه‌ ده‌که‌ویت . به‌و پێیه‌ی تۆپی پێش، به‌رده‌وام له‌ گۆڕانکاریدایه‌ زیاتر چه‌مکه‌کان ئاڵۆز ده‌بن، به‌چه‌شنێک ساده‌ ئاڵۆز ده‌بێت ، ئاڵۆز ئاڵۆزتر ده‌بێت.

شەیر بکە لەگەڵ هاوڕێیانت.

دەربارەی نووسەر

Leave A Reply